ދަރީންނަށް ތައުލީމާއި ތަރުބިޔަތު ދިނުމުގައި، އެންމެން އެއްގަލަކަށް އަރަންޖެހޭ: ޚުތުބާ
11 އެޕްރީލު 2025 | ހުކުރު 08:16އަދަބާއި އުޅުންތެރިކަން ދަސްކޮށްދިނުމަކީ ގައުމުގެ ބިންގާ ހަރުދަނާކުރުމުގެ ގޮތުން އެޅޭ ވަރަށް ބޮޑު ބާރެއް
ހުކުރު ނަމާދު ކުރުމަށް ޖަމާއަތް ހަދައިގެން
ދަރީންނަށް ތައުލީމާއި ތަރުބިޔަތު ދިނުމުގައި، އެންމެން އެއްގަލަކަށް އެރުމަށް ހުކުރު ޚުތުބާގައި ގޮވާލައިފި އެވެ.
''ތަރައްގީގެ އަސާސަކީ، ތައުލީމާއި ތަރުބިޔަތު'' މިމައުޟޫއަށް ރާއްޖޭގެ އެކި އެކަންކޮޅުތަކަށް އިއްވި ޚުތުބާގައި ބުނީ ނިމި ދިޔަ ދިރާސީ އަހަރުގެ ޗުއްޓީއަށް ފަހު، ތައުލީމީ އައު އަހަރެއް ފެށިފައިވާ ކަމަށާއި، މި ފެށުނު ދިރާސީ އަހަރު، އިސްލާމް ދީނާއި ދުންޔަވީ ރޮނގުތަކުން އިތުރު ކުރިއެރުންތަކެއް ލިބޭތޯ ގަދައަޅައި މަސައްކަތް ކުރަންޖެހޭ ކަމަށެވެ.
އެގޮތުން މައިންބަފައިންނާއި ދައުލަތުން، ތައުލީމާއި ތަރުބިޔަތަށް ތަނަވަސްކޮށްދީފައިވާ ފުރުސަތުތަކުގެ ބޭނުން ހިފުމަށް ޚުތުބާގައި ގޮވާލާފައިވެއެވެ.
މީގެ އިތުރުން ޚުތުބާގައި ބުނީ ދަރީންނަށް، އިލްމުގެ އިތުރަށް، އަދަބާއި އުޅުންތެރިކަން ދަސްކޮށްދިނުމަކީ، ގައުމުގެ ބިންގާ ހަރުދަނާކުރުމުގެ ގޮތުން އެޅޭ ވަރަށް ބޮޑު ބާރެއް ކަމަށާއި، އިސްލާމްދީން މި ކަމަށް ބާރުއަޅައި، ހިތްވަރުދެނީ، ދަރީން ތަރުބިޔަތުކުރުމަށް އެހެން ހުރިހައި ނިޒާމެއްގައި ކުރާ މަސައްކަތަށް ވުރެ މާ މަތިވެރި ދަރަޖައަކަށް ކަމަށެވެ.
ޚުތުބާގައި ބުނީ މަދްރަސާއަކީ، ދަރީންގެ ދެވަނަ ހިޔާވަހި ކަމަށާއި، އެ ކުދީންގެ ހިތްތަކުގައި، އިސްލާމީ އަގީދާ ހަރުދަނާކޮށް، އިސްލާމީ އުސޫލުތައް ބިނާކުރާ ތަނަކީ މަދަރުސާ ކަމަށެވެ. މަދަރުސާއިން މި ދައުރު ފުރިހަމައަށް އަދާކޮށްފި ނަމަ، މުޅި އުންމަތުގެ މުސްތަގުބަލު އުޖާލާވެ އަމާންވާނެ ކަމަށާއި، ބާއްޖަވެރިކަމުގެ މަގުތައް އާރާސްތުވެ، ފާގަތިކަން އާންމުވާނެ ކަމަށެވެ. މި ބުރަ މަސައްކަތް ކާމިޔާބު ކުރެވޭނީ، މަދްރަސާއާއި، މުދައްރިސުންނާއި، ބެލެނިވެރީން ގުޅިގެން ކަމަށާއި، އެ ފަރާތްތަކުގެ ލަނޑުދަނޑިތަކާއި، އަމާޒުތަކާއި، ތަސައްވުރުތައް އެކައްޗަކަށް ހަދައިގެން ކަމަށް ޚުތުބާގައި ބުނެފައިވެއެވެ.
އަހަރެމެންގެ ދަރީންނަށް، ޢިލްމުގެ އިތުރަށް، އަދަބާއި އުޅުންތެރިކަން ދަސްކޮށްދިނުމަކީ، ގައުމުގެ ބިންގާ ހަރުދަނާކުރުމުގެ ގޮތުން އެޅޭ ވަރަށް ބޮޑު ބާރެކެވެ. އިސްލާމްދީން މި ކަމަށް ބާރުއަޅައި، ހިތްވަރުދެނީ، ދަރީން ތަރުބިޔަތުކުރުމަށް އެހެން ހުރިހައި ނިޒާމެއްގައި ކުރާ މަސައްކަތަށް ވުރެ މާ މަތިވެރި ދަރަޖައަކަށެވެ. އިސްލާމް ދީނުގައި ރަނގަޅަށް ދަރީން ތަރުބިޔަތު ކުރުމަކީ، އެ ކަމުގައި ޤާއިމުވެ ތިބި ބަޔަކަށް މާތް الله ސަވާބާއި ދަރުމަ ދެއްވާނޭ ކަމެކެވެ. މި ކަންކަމަށް އިސްލާމް ދީނުގައި މައިންބަފައިންނަށް ހިތްވަރުދެއެވެ. ޢުމަރު ބުނު އަބޫސަލާމާ ތުއްޕުޅުއިރު ކީރިތި ރަސޫލާހުކުރު ޚުތުބާ
ޚުތުބާގައި ބުނީ ދަރީންނަށް ތައުލީމާއި، ތަރުބިޔަތު ދިނުމުގައި، އެންމެން އެއްގަލަކަށް އަރަންޖެހޭ ކަމަށާއި، ހިތްތައް އެއްކައުވަންތަކަމުގެ މަތިވެރި އަގީދާއިން ޒީނަތްތެރިކުރަންޖެހޭ ކަމަށެވެ. ހެޔޮ ގޮތުގައި ގައުމު ތަރައްގީކޮށް، އެއްބައިވަންތަކަން މަތީ، ދެމެހެއްޓުމަށް އެންމެން މަސައްކަތް ކުރަންޖެހޭ ކަމަށް ޚުތުބާގައި ބުނެފައިަވެއެވެ.
އަދި އުންމަތުގެ ޒުވާނުންގެ ނާރުތަކުގައި، އިލްމާއި، މައުރިފާގެ ލޭ ދައުރުކުރާން ފެށުމުން، އިލްމުގެ ނޫރު ފެތުރި، ޖަހާލަތުގެ އަނދިރިކަން ފިލައިދާނެކަމާ މެދު ޝައްކެއް ނެތް ކަމަށް ޚުތުބާގައި ބުނެފައިވެއެވެ.
