ރައީސް މުއިއްޒުގެ ސަރުކާރުން އަދި މިހާތަނަށް ވެވަޑައިގެން އެއްވެސް ވައުދެއް ފުއްދަމުން ނުދޭ
ޑރ. އިބުރާހީމް ދީދީ ރާއްޖެ ޓީވީގެ ފަލަޝުރުޚީ ޕްރޮގްރާމުގައި ވާހަކަދައްކަވަނީ: ވިދާޅުވީ މި ސަރުކާރުގެ ހުރިހާ ކަމެއްވެސް ގެންދަނީ ރައްޔިތުންނަށް އޮޅުވާލައިގެން ކަމަށް
ރައީސް ޑރ. މުޙައްމަދު މުއިއްޒުގެ މި ސަރުކާރުގައި މުޅިންވެސް އޮތީ ރާއްޖޭގެ ރައްޔިތުންނަށް މަކަރާއި ހީލަތް ހަދައި ދޯކާދީ އޮޅުވާލުން ކަމަށް އެމްޑީޕީގެ ކުރީގެ ރައީސް ޑރ. އިބްރާހިމް ދީދީ ވިދާޅުވެއްޖެއެވެ.
ޑރ. ޑީޑީ މިފަދައިން ވިދާޅުވީ ރާއްޖެ ޓީވީގެ ފަލަސުރުޚީ ޕްރޮގްރާމުގައި ވާހަކަ ދައްކަވަމުންނެވެ.
ރައީސް މުއިއްޒުގެ މި ސަރުކާރުގެ ސިޔާސަތުތަކަށް ވަރަށް ބޮޑަށް ފާޑުވިދާޅުވެ ޑީޑީ ވިދާޅުވީ ރައީސް މުއިއްޒުގެ މި ސަރުކާރުން އަދި މިހާތަނަށް ވެވަޑައިގެން އެއްވެސް ވައުދެއް ފުއްދަމުން ނުދާ ކަމަށާއި ވައުދުތައް ނުފުއްދޭ އިރު، އަދިވެސް ގެންދަނީ ރައްޔިތުންނަސް އިތުރު ވައުދުތަކެއް ވެލައްވަމުން ކަމަށެވެ.
ޑީޑީ ވިދާޅުވީ ރައީސް މުއިއްޒު ހުވާކުރެއްވި ދުވަހުން ފެށިގެން ވެސް މި އަހަރުގެ މިއަދާއި ހަމައަށް އައި އިރުވެސް ހުރިހާ ކަމެއްވެސް އޮތީ ކުރީ ސަރުކާރުތަކުގެ ބޮލަށް ޖެހުން ކަމަށެވެ. އެގޮތުން ނިމިދިއަ އަހަރުގެ ސުޕަ މެޖޯރިޓީ އޮވެ، އެ ސަރުކާރުން ރައީސް މުއިއްޒުގެ މި ސަރުކާރު ބޭނުންވާ ގޮތަށް ބަޖެޓު ފާސްކޮށް ނުދިން ކަމަށް އަންނަނީ ވިދާޅުވަމުން ކަމަށާއި އެހެން ނަމަވެސް އެއީ ރާއްޖޭގެ ރައްޔިތުންނަށް ވަރަށް ސާފުކޮށް ފެންނަން އޮތް ހަގީގަތެއް ކަމަށް ޑީޑީ ވިދާޅުވިއެވެ.
ޑީޑީ ވިދާޅުވީ ރައީސް މުއިއްޒުގެ މި ސަރުކާރުން ބޭނުން ވެގެން ނިމިދިއަ ސަރުކާރުން ފާސްކޮށް ނުދީފައި އޮތީ ހަމަ އެކަނި ރަސްމާލެ ޕްރޮޖެކްޓަށް ބޭނުންވާ 400 މިލިއަން ރުފިޔާގެ ޕްރޮޖެކްޓެއް ކަމަށާއި އެކަން ރައީސް ޞާލިހުގެ ސަރުކާރުން ކޮށް ނުދެއްވީ އެމްޑީޕީ ސަރުކާރުން އޭރު ފަށާފައިވާ ބައެއް ބޮޑެތި ޕްރޮޖެކްޓްތަކެއް އޮއްވައި އެހެން ޕްރޮޖެކްޓެއް ފެށުމުން އޭގެއިން ރައްޔިތުންނަށް ވެދާނެ ގެއްލުމަކަށް ވިސްނާފައި ކަމަށެވެ.
ޑީޑީ ވިދާޅުވީ އެ ޕްރޮޖެކްޓް ފިޔަވައި މި ސަރުކާރުން ބޭނުންވި ހުރިހާ ޕްރޮޖެކްޓް ތަކަށް، ބޭނުންވާ ހުރިހާ ބަޖެޓެއް ވެސް އެމްޑީޕީ ސަރުކާރުން ވަނީ ފާސްކޮށްދެއްވާފައި ކަމަށެވެ. އެހެން ނަމަވެސް ރައީސް މުއިއްޒު ވެރިކަމަށް ވަޑައިގެން އެންމެ ފުރަތަމަ ވެސް ރައްޔިތުންގެ މަޖިލީހަށް ގޮންޖައްސަވާފައި އެތަކެއް ވައުދުތަކެއްވެ ރައްޔިތުންނަށް އޮޅުވާލައްވައިގެން ކަންކަން ކުރައްވަމުން ގެންދިޔަ ކަމަށް އޭނާ ވިދާޅުވިއެވެ.
އުޑުގަތިބި ތަރިބާލައިދޭ އުސޫލުން ރައްޔިތުންނަށް އޮޅުވާލައިގެން ކަންކަން ކުރައްވަމުން ގެންދެވީ. ގެންދެވި އިރުގަ ކޮންމެވެސް ރާޖޫ ކިޔާ ބޭފުޅަކަށް ހުޅުމާލޭ ބީޗް ސަރަހައްދުން ހަމަ އެންމެ އަގުބޮޑު ސަރަހައްދުން 10 ހެކްޓަރުގެ ބިން އޭނައަށް ހިލޭދީފަ، މި ޕްރޮޖެކްޓް ކުރުއަށް ގެންދިއައީ. އޭގެ ތެރެއިން ވަރަށް ބޮޑަށް ދެކެވިގެން ދިއަ ވާހަކައެއް، ރައްޔިތުންގެ މަޖިލީހަށް ބޭނުންވާ ފައިސާ ހޯދުމުގެ ނިޔަތަުގައި ކުރެއްވި ކަމެކޭވެސްޑރ. އިބުރާހީމް ދީދީ
ހަ މަސް ދުވަހުގެ ތެރޭގައި ހިއްކައި ނިންމަން ވިދާޅުވި ރަސްމާލެ ކޮބައިތޯ ސުވާލުކުރައްވައި ޑީޑީ ވިދާޅުވީ ރައީސް މުއިއްޒުގެ މި ސަރުކާރުގެ އެންމެހައި ކަންކަން ވެސް ބައްޓަން ވެފައި ހުރީ ގައުމުގެ ރައްޔިތުންނަށް މުޅިން މަކަރާއި ހީލަތް ހަދައި ދޯކާދީ މުޅިން އޮޅުވާލުމަށް ކަމަށެވެ. އެގޮތުން މި ސަރުކާރުން މިހާތަނަށް ރައްޔިތުންނަށް ކޮށްދެއްވުމަށް ވީ އެއްވެސް ވައުދެއް ފުއްދިފައި ނުވާކަން އޭނާ ފާހަގަކުރެއްވި އެވެ.
