ޕީނަޓް ބަޓަރ ބްރައުނީސް

ބޭނުންވާ ތަކެތި

• ½ ތަށި ޕީނަޓް ބަޓަރ
• 1/3ތަށި މާޖަރިން
• 2/3 ޖޯޑު ހަކުރު
• ½ ޖޯޑު ބުރައުން ޝުގަރ
• 2 ބިސް
• ½ ސައިސަމުސާ ވެނިލާ އެސެންސް
• 1 ޖޯޑު ފުށް
• 1 ސަމުސާ ބޭކިންގ ޕައުޑަރ
• ¼ ސަމުސާ ލޮނު

ތައްޔާރު ކުރާނެ ގޮތް

އަވަން 350 ޑިގްރީ ފެރެންހައިޓް (175 ޑިގްރީ ސެލްސިއަސް) އަށް ހޫނުކޮށްލާށެވެ. އެއަށްފަހު ބޭކިންގ ޕޭން އެއްގައި ތެޔޮ އުނގުޅާލާށެވެ. ދެން ތައްޓެއްގައި ޕީނަޓް ބަޓަރާއި މާޖަރިން އެއްކޮށް ކްރީމް ކޮށްލުމަށްފަހު، ހަކުރު، ބުރައުން ޝުގަރ، ބިސް އަދި ވެނީލާ އަޅައިގެން ރަނގަޅަށް އެއްކޮށްލާށެވެ.

އެހެން ތަށްޓެއްގައި ފުށާއި، ބޭކިންގ ޕައުޑަރ އަދި ލޮނު އެއްކުރުމަށްފަހު، މި މިކްސްޗަރ އާއި ޕީނަޓް ބަޓަރ މިކްސްޗަރ ރަނގަޅަށް އެއްކޮށްލާށެވެ.

ހޫނުކޮށްފައިވާ އަވަނުގައި 30-35 މިނެޓަށް، ހެޔޮވަރު ވަރަކަށް ބޭކް ކޮށްލާށެވެ. ފިނިވުމުން ހަތަރެސްކަނަށް ކަފާލާށެވެ.