އިނގިރޭސި ބޮޑު ވަޒީރު ސްޓާމާ، ޔުކްރެއިންގެ ރައީސް ޒެލެންސްކީއާ މަޝްވަރާ ކޮށްފި 

ރަޝިޔާ އާއި ޔުކްރެއިންއާ ދެމެދު ކުރިއަށްދާ ހަނގުރާމަ ހުއްޓާލުމުގެ މަރުޙަލާ ކުރިއަށްދާ ގޮތާ މެދު، އިނގިރޭސިވިލާތުގެ ބޮޑު ވަޒީރު ކިއާ ސްޓާމާ، ޔުކްރެއިންގެ ރައީސް ވުލެޑިމިއަރ ޒެލެންސްކީއާ މަޝްވަރާ ކުރައްވައިފި އެވެ.

އެ މަޝްވަރާ ކުރުމުގައި  ވަނީ އެމެރިކާގެ ރައީސް ޑޮނަލްޑް ޓްރަމްޕް، ހަނގުރާމަ ހުއްޓުވުމަށް ރަޝިޔާއާ އެކު ކުރަމުންދާ މަސައްކަތްތަކާ ބެހޭ ގޮތުން ވާހަކަ ދައްކަވައިފަ އެވެ. 

ބޮޑު ވަޒީރު ސްޓާމާގެ އޮފީހުން ނެރުނު ބަޔާނެއްގައި ބުނެފައި ވަނީ، ފްރަންޓްލައިންގެ ހާލަތާ ބެހޭ ގޮތުން ޒެލެންސްކީ މައުލޫމާތު ދެއްވި ކަމަށެވެ. އަދި އިނގިރޭސިވިލާތުގެ "ދެމެހެއްޓެނިވި އެހީތެރިކަން" ޔުކްރެއިން އަށް ލިބޭނެ ކަމުގެ ޔަގީންކަން، ބޮޑު ވަޒީރު ސްޓާމާ ދެއްވި ކަމަށް ބުނެފައިވެ އެވެ. 

ރަޝިޔާގެ ރައީސް ވްލަޑިމިއާ ޕުޓިންް ވަނީ ޔޫކްރެއިންގެ ހަކަތައިގެ ވަސީލަތްތަކަށް ވަގުތީ ގޮތުން ހަމަލާ ދިނުން ހުއްޓާލުމަށް އެއްބަސްވެފަ އެވެ.

ނަމަވެސް، ޓްރަމްޕް އެދިވަޑައިގަތް 30 ދުވަހުގެ ފުރިހަމަ ހުއްޓުމަކަށް ޕުޓިން އެއްބަސްވެފައި ނުވާ ކަމަށް ރިޕޯޓު ކޮށްފައިވެ އެވެ. ޔުކްރެއިންގެ ފަރާތުން ވަނީ އެމެރިކާގެ ހުށަހެޅުން ޤަބޫލުކޮށް، އެކަމަށް އެއްބާރުލުން ދޭނެ ކަމަށް ބުނެފަ އެވެ.

މި އެއްބަސްވުމުގެ ދަށުން ދެ ގައުމުން ވެސް، އެއް ޤައުމު އަނެއް ޤައުމުގެ ހަކަތައިގެ ވަސީލަތްތަކަށް 30 ދުވަހުގެ މުއްދަތަށް ހަމަލާ ދިނުން ހުއްޓާލަން ޖެހޭނެ އެވެ.

2022 ވަނަ އަހަރު ރަޝިޔާ އިން ޔުކްރެއިން އަށް ފުޅާ ދާއިރާއެއްގައި ހަމަލާ ދޭން ފެށުމަށް ފަހު، އެތައް ހާސް ބަޔަކު މަރާލަފައި، އެތައް ބަޔަކު ޝަހީދު ކޮށްލާފައިވެ އެވެ. އަދި އެ ހަނގުރާމަގައިގެ ސަބަބުން މިލިއަނެއްހާ މީހުންނަށް ގެދޮރު ދޫކޮށް ފިލަން މަޖުބޫރުވެފައިވެ އެވެ.