ގެއަކަށް ވަދެ ވެރިފަރާތަށް ބިރުދައްކައި ގެއަށް ގެއްލުންދިން 4 ޒުވާނަކު ކުށުގެ ވެށިން ހައްޔަރުކޮށްފި
4 ޒުވާނުންނަކީ ވެސް 23 އަހަރުން ދަށުގެ މީހުން
މާލޭގެ ގެއަކަށް ގެއްލުންދީ އެ ގޭގެ ވެރިމީހާއަށް ބިރުދެއްކި މައްސަލައިގައި ހައްޔަރުކުރި ޒުވާނުން
މާލޭގެ ގެއަކަށް ވަދެ ވެރިފަރާތަށް ބިރުދައްކައި ގެއަށް ގެއްލުންދިން 4 ޒުވާނަކު ކުށުގެ ވެށިން ހައްޔަރުކޮށްފިއެވެ.
ފުލުހުން ބުނީ ގަލޮޅުގައި ހުންނަ ގެއެއްގެ ވެރިފަރާތަށް ބަޔަކަު މީހުން ބިރުދައްކައި އިންޒާރުދިފައިވާ މައްސަލަ ހޮނިހިރު ދުވަހުގެ ރޭގެ ވަގުތެއްގައި ފުލުހުންނަށް ހުށަހަޅާފައިވާ ކަމަށެވެ.
އަދި އެ ގެއަަށް ހޮނިހިރު ދުވަހުގެރޭ 12:45 ހާއިރު 4 މީހަކު ވަދެ އެ ގެއަށް ގެއްލުން ދީފައިވާ މައްސަލައާއި ގުޅިގެން އެ 4 މީހުން ކުށުގެ ވެށިން ހައްޔަރުކުރެވިފައިވާ ކަމަށް ފުލުހުން ބުނެއެވެ.
މި މައއްސަލައާއި ގުޅިގެން ހައްޔަރުކޮށްފައިވަނީ އއ. މާޅޮސް، ރީތިހިޔާ މުހައްމަދު އަފްލަހު (23އ)، ނ. ވެލިދޫ، އިބްރާހިމް އަހުނަފު (21އ)، ނ. މަނަދޫ، ހަވޭލި މުހައްމަދު އަޒާން (23އ) އަދި ތ. ގުރައިދޫ، ފަޒާ އަލީ ނަވާފުއެވެ.
މި 4 މީހުންގެ ބަންދާމެދު ގޮތެއް ނިންމުމަށް އާދީއްތަ ދުވަހު ކްރިމިނަލް ކޯޓަށް ހާޒިރުކުރުމުން 15 ދުވަހަށް އެމީހުން ބަންދު ކުރުމަށް ކޯޓުން ވަނީ އަމުރުކޮށްފައެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
