ޑްރައިވިންގ ލައިސަންސް ތިއަރީ އިމްތިހާނު ޓްރާންސްޕޯޓް މިނިސްޓްރީން ކުރިއަށް ގެންދަން ނިންމައިފި
7 މާރިޗު 2025 | ހުކުރު 06:23އިމްތިހާނު ހެދުމުގެ އިންތިޒާމުތައް އަދި ކަމާގުޅޭ އެހެނިހެން ކަންކަން ބަލަހައްޓާނީ ސީދާ މިނިސްޓްރީން
ޗެކް ޕޮއެންޓަކުން ލައިސެންސް މީހަކު ދައްކަނީ
ޑްރައިވިންގ ލައިސަންސް ތިއަރީ އިމްތިހާނު ޓްރާންސްޕޯޓް މިނިސްޓްރީން ކުރިއަށް ގެންދަން ނިންމައިފިއެވެ.
މީގެ ކުރިން މި އިމްތިހާނު ކުރިއަށް ގެންދިޔައީ މޯލްޑިވްސް ޕޮލިޓެކްނިކުންނެވެ.
ބުރާސްފަތި ދުވަހު އެ މިނިސްޓްރީން ބުނީ އެއްގަމު އުޅަނދު ދުއްވުމުގެ ލައިސަންސްގެ ތިއަރީ އިމްތިހާނު ކުރިއަށް ގެންދިއުމަށް ހަމަޖެހިފައިވަނީ 6 މާރިޗު 2025ން ފެށިގެން މިނިސްޓްރީގެ ފަރާތުން ކަމަށެވެ.
މިއީ ރައްޔިތުންނަށް ފޯރުކޮށްދެމުންދާ ޚިދުމަތްތަކުގެ ތެރެއިން އެއް ޚިދުމަތް ކަމަށާއި، މި ބަދަލާއެކު، އިމްތިހާނު ހެދުމުގެ އިންތިޒާމުތައް އަދި ކަމާގުޅޭ އެހެނިހެން ކަންކަން ބަލަހައްޓާނީ ސީދާ މިނިސްޓްރީން ކަމަށް ބުނެފައިވެއެވެ.
ގްރޭޓަރ މާލެ ސަރަހައްދުން މި ޚިދުމަތަށް އެދޭ ފަރާތްތަކުން ސަވާރީ އިންފޮމޭޝަން މެނޭޖްމަންޓް ސިސްޓަމް (ސިމްސް) މެދުވެރިކޮށް އެޕްލިކޭޝަން ހުށަހަޅާއިރު، ތިއަރީ އިމްތިހާނު ހަދާ ސެންޓަރެއްގެ ގޮތުގައި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އިޚްތިޔާރު ކުރަންވާނެއެވެ.
މި ބަދަލުގެ ސަބަބުން، ޑްރައިވިންގ ލައިސަންސް ހެދުމުގެ މަރުހަލާތައް އެއް ތަނަކުން ކުރިއަށް ގެންދެވޭނެ ކަމަށް މިނިސްޓްރީން ބުނެއެވެ.
