ކ. މާލެ
|
23 އޯގަސްޓް 2017 | ބުދަ 16:06
އެކްސިޑެންޓްވި އެމެރިކާގެ ނޭވީގެ ބޯޓު
އެކްސިޑެންޓްވި އެމެރިކާގެ ނޭވީގެ ބޯޓު
ގޫގުލް
އެމެެރިކާގެ ނޭވީ
އެމެރިކާގެ އަސްކަރީ މަނަވަރު އެކްސިޑެންްޓް ވި ހާދިސާއަށް ފަހު ގިނަ ކަންކަން ދަނީ ނިއުޅެމުން!
 
މަނަވަރު އެކްސިޑެންޓް ގައި 10 ސެއިލަރުން ގެއްލުނު، މިހާރު ބައެއް މީހުންގެ ހަށިތައް ވަނީ ފެނިފައި
 
ސިންގަޕޫރުގެ އިރުމަތީ އައްސޭރިފަށުން "ދަ ޔޫއެސްއެސް ޖޯން މެކޭން" ދަތުރު ކުރަނިކޮށް އެކްސިޑެންޓްވީ ލައިބީރިއާގެ އޮއިލް ޓޭންކަރަކާ

އެމެރިކާގެ ނޭވީ މަނަވަރު "ދަ ޔޫއެސްއެސް ޖޯން މެކޭން" އެކްސިޑެންޓްވި ހާދިސާ އަކީ ގިނަ ބަޔަކަށް ހައިރާންކަން ގެނުވި ކަމެެކެވެ. ހައިރާންކަން ގެނުވީ އެކްސިޑެންޓަށް ފަހު ގިނަ ކަންކަން ނިއުޅެމުން ދާތީއެވެ. މިއީ މި އަަހަރުގެ މިހާތަނަށް އެމެރިކާގެ މަނަވަރުތަކަށް ކުރިމަތިވި ހަތަރުވަނަ އެކްސިޑެންޓެވެ.

ސިންގަޕޫރުގެ އިރުމަތީ އައްސޭރިފަށުން "ދަ ޔޫއެސްއެސް ޖޯން މެކޭން" ދަތުރު ކުރަނިކޮށް އެކްސިޑެންޓްވީ ލައިބީރިއާގެ އޮއިލް ޓޭންކަރަކާއެވެ. އެމެރިކާގެ ނޭވީގެ މަނަވަރު އެކްސިޑެންޓްވި އިރު އެ އުޅަނދު ދަތުރު ކުރަމުން ދިޔައީ ސިންގަޕޫރުގެ ބަނދަރަށް ވަނުމަށެވެ. ސިންގަޕޫރުގެ ވަށައިގެންވާ  ކަނޑުގެ ސަރަހައްދަކީ ދުނިޔޭގެ އެންމެ ކާރޫބާރޫ ބޮޑު ކަނޑުގެ ސަރަހައްދުތަކުގެ ތެރޭގައި ހިމެނޭ ސަރަހައްދެކެވެ. އެ ސަރަހައްދުން ގިނަ މުދާތަކެއް އަބަދުވެސް  އެކިގައުމުތަކަށާއި އަދި ސިންގަޕޫރަށް ގެނެވެއެވެ. "ދަ ޔޫއެސްއެސް ޖޯން މެކޭން" އަކީ އެމެރިކާގެ ސެވަންތް ފްލީޓްގައި ހިމެނޭ މަނަވަރަކެވެ. މަނަވަރު ހަރަކާތްތެރިވާ މަރުކަޒަކީ ޖަޕާންގެ ޔޮކުސުކާއެވެ.

ކޮންމެއަކަސް އޯގަސްޓް 21 ވަނަ ދުވަހު ހިނގި މަނަވަރު އެކްސިޑެންޓް ހާދިސާ ހިނގުމަށް ފަހު އެމެރިކާގެ ރައީސް ޑޮނަލްޑް ޓްރަމްޕް ވަނީ ހޫނުފެނަށް ވެއްޓިފައެވެ. ރައީސް ޓްރަމްޕް ހޫނުފެނަށް ވެއްޓުނީ އެމަނިކުފާނު ހާދިސާ އާއި ގުޅިގެން ވިދާޅުވި ފުރަަތަމަ ބަސްފުޅާއި ގުޅިގެންނެެވެ. އެ ހާދިސާ އާ ބެހޭގޮތުން ރައީސް ޓްރަމްޕް އާދީއްތަ ދުވަހުގެ ރޭ ވައިޓްހައުސްގައި ރިޕޯޓަރުންނަށް ވިދާޅުވީ "އެއީ ވަރަށް ގޯސްކަމެއް ކަމަށެވެ." ރައީސް ޓްރަމްޕް ވިދާޅުވި  ބަސްފުޅާ ބެހޭގޮތުން ވަރަށް ބޮޑަށް ފާޑުކިޔުން އަމާޒުވި ފަހުން އެމަނިކުފާނު ވަނީ ހާދިސާ އާއި ބެހޭގޮތުން ޓްވީޓެއް ކުރައްވާފައެވެ. އެގޮތުން އެމަނިކުފާނު ވިދާޅުވީ ހެޔޮދުއާ އާއި ހެޔޮ އެދުންތައް ވަނީ"ދަ ޔޫއެސްއެސް ޖޯން މެކޭން" އިން ދަތުރު ކުރި ސެއިލަރުންނާ އެކު ކަމަށާއި އަދި ގެއްލުނު ފަރާތްތައް ހޯދުމުގެ މަސައްކަތް ދަނީ ކުރިއަށް ކަމަށެވެ. 

"ދަ ޔޫއެސްއެސް ޖޯން މެކޭން" އެކެްސިޑެންޓް ވި ހާދިސާގައި އޭގެން ދަތުރުކުރި މީހުންގެ ތެރެއިން  10 ސެއިލަރަކު ގެއްލުނެވެ. އަދި ފަސް މީހަކަށް އެކިވަރުގެ އަނިޔާތައް ވަނީ ލިބިފައެވެ. ބުދަ ދުވަހު އިވިގެން ދިޔަ ޚަބަރަކީ ގެއްލުނު 10 ސެއިލަރުންގެ ތެރެއިން ބައެއް މީހުންގެ ހަށިތައް ފެނިފައިވާ ކަމެެވެ. އެމެރިކާގެ ޕެސިފިކް ފްލީޓްގެ ކޮމާންޑަރު އެޑްމިރަލް ސްކޮޓް ސްވިފްޓް މީޑިއާތަކަށް ވިދާޅުވީ، އެމެރިކާގެ ނޭވީީ އާއި މެރިން ކޯޕްސްގެ ޑައިވަރުންނަށް ގެއްލުނު ބައެއް މީހުންގެ ހަށިތައް ފެނިފައި ވަނީ އެކްސިޑެންޓްވި މަނަވަރުގެ ތެރޭގައި ހުރި ސީލްޑް ކޮމްޕާޓްމަންޓްތަކުގެ ތެރެއިން ކަމަށެވެ. މީހުން ހޯދުމުގެ މަަސައްކަތް އެންމެ ފަހު ވަގުތާ ހަމައަށްވެސް ކުރިއަށް ދާނެ ކަމަށް ސްވިފްޓް ވިދާޅުވިއެވެ. މީހުން ހޯދުމުގެ އޮޕަރޭޝަނުގައި ހަރަކާތްތެރިވާ މެލޭޝިއާގެ ނޭވީން ވަނީ ގެއްލުނު މީހެއްގެ ހަށިގަނޑު ކަމަށް ބެލެވޭ ހަށިގަނޑެއް ކަނޑުން ހޯދާފައެވެ. އެހެން ނަމަވެސް އެއީ މަނަވަރު އެކްސިޑެންޓްގައި ގެއްލުނު މީހެއްގެ ހަށިގަނޑު ކަމެއް އަދި ނޭނގެއެވެ. ރިޕޯޓުތައް ބުނާ ގޮތުން ޑައިވަރުން ވެސް ވަނީ ބައެއް މީހުންގެ ހަށިތައް ހޯދާފައެވެ. އެހެންނަމަވެސް އަދި އެއީ ސީދާ މަނަވަރު އެކްސިޑެންޓްގައި ގެއްލުނު މީހުންގެ ހަށިތައް ކަމެއް ކަށަވަރު ކޮށްދީފައެއް ނުވެއެވެ.

އެޑްމިރަލް ޖޯސެފް އޯކެއިން

އެމެރިކާގެ މަނަވަރު އެކްސިޑެންޓް ވި ހާދިސާ އަށް ފަހު ގިނަ ކަންކަން ނިއުޅެމުންދާއިރު އެންމެ ފަހުން މިހާދިސާއާ ގުޅޭގޮތުން އިވުނު ވާހަކައަކީ "ދަ ޔޫއެސްއެސް ޖޯން މެކޭން" ނިސްބަތްވާ އެމެރިކާގެ ސެވަންތް ފްލީޓްގެ ކޮމާންޑަރު ވައިސް އެޑްމިރަލް ޖޯސެފް އޯކެއިން މަގާމުން ވަކި ކުރަން، އެމެރިކާގެ ނޭވީ އިން ނިންމައިފި ކަމަށް އޮފިޝަލުން ވިދާޅުވުމެވެ. ޖޯސެފް މަގާމުން ވަކިކުރަން ނޭވީ އިން ނިންމިއިރު ރަސްމީކޮށް އެކަން އިއުލާން ކުރާނެ ތާރީޚެއް އަދި ނޭނގެއެވެ.ގިނަ ކަންކަން ހާދިސާއަށް ފަހު ނިއުޅެމުންދާއިރު ދެންވާނެ ގޮތަކީ ކޮބައިތޯ މިއީ މިހާރު އުފެދިފައިވާ ބޮޑު ސުވާލެެވެ. 

 

 

 

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުޝާމް މުހަޢްމަދް
0%
11%
22%
33%
33%
0%
ކޮމެންޓް