އެސޯސިއޭޝަން ކަޕްގެ 15 އަހަރުން ދަށުގެ ޗެމްޕިއަންކަން ޒިއުނާ އަދި ޝަމާލް އަށް
23 ފެބުރުއަރީ 2025 | އާދީއްތަ 04:03ޖޫނިއާ ބައިގެ އަންހެން ސިންގަލަސް ފައިނަލްގައި ޒިއުނާ ބައްދަލު ކޮށްފައި ވަނީ އައިޝަތު އަލީޝާ ނާފިއުއާ އެވެ. ފައިނަލް މެޗު ޒިއުނާ ކާމިޔާބު ކޮށްފައި ވަނީ 24-08 އިންނެވެ.
ޖޫނިއާ ބައިގެ ޗެމްޕިއަންކަން ހޯދި ޒިއުނާ އަދި ޝަމާލް
ކެރަމް އެސޯސިއޭޝަން އޮފް މޯލްޑިވްސް އިން އިންތިޒާމު ކޮށްގެން ކުރިއަށް ގެންދާ، ކެރަމް އެސޯސިއޭޝަން ޗެމްޕިއަންޝިޕްގެ ޖޫނިއާ ބައިގެ ޗެމްޕިއަންކަން ޒިއުނާ ބިންތި ނަޝީދު އަދި އަޙުމަދު ޝަމާލް ސައުދުﷲ ހޯދައިފި އެވެ.
ޖޫނިއާ ބައިގެ އަންހެން ސިންގަލަސް ފައިނަލްގައި ޒިއުނާ ބައްދަލު ކޮށްފައި ވަނީ އައިޝަތު އަލީޝާ ނާފިއުއާ އެވެ. ފައިނަލް މެޗު ޒިއުނާ ކާމިޔާބު ކޮށްފައި ވަނީ 24-08 އިންނެވެ.
އަންހެން ޑިވިޝަންގެ ތިން ވަނަ ހޮވަން ކުޅުނު މެޗުގައި އައިޝަތު ރީމް ވަނީ 25-04 އިން ސޮފިއްޔާ ސުނާން ސާކިރުގެ މައްޗަށް ކުރި ހޯދައިފަ އެވެ.
ޖޫނިއާ ބައިގެ ފިރިހެން ސިންގަލްސްގެ ފައިނަލްގައި ޝަމާލް ވާދަކޮށްފައި ވަނީ އަޒްލާން އައުޒަލްއާ އެވެ. ފައިނަލް މެޗު ޝަމާލް ކާމިޔާބު ކޮށްފައި ވަނީ 20-14 އިންނެވެ.
ފިރިހެން ސިންގަލްސްގެ ތިން ވަނަ ހޮވަން ކުޅުނު މެޗުގައި ޢަބްދުލް މާލިކު ޙަސަން ޢަބްދުއްލަތީފް ވަނީ 25-08 އިން އާކިފް ބިން އިކްލީލް އައްބާސްގެ މައްޗަށް ކުރި ހޯދައިފަ އެވެ.
