ރަށު އެކްސްޕޯ ކާމިޔާބުކަމާއި އެކު ފެށިގެން ކުރިއަށް
14 ފެބުރުއަރީ 2025 | ހުކުރު 14:06ރަށު އެކްސްޕޯއަކީ ރަށު ފަތުރުވެރިކަމާއި، ރާއްޖޭގެ ސަޤާފަތް ކުރިއެރުވުމުގެ ބޭނުމުގައި ކުރިއަށްގެންދާ އެކްސްޕޯއެކެވެ. ބީއެމްއެލްގެ އޮފިޝަލް ބޭންކިން ޕާޓްނަރޝިޕްގެ ދަށުން ކުރިއަށްދާ މި އެކްސްޕޯއިން ރަށްރަށުގެ ސަޤާފަތާއި ކެއިން ބުއިން ފަދަ ކަންކަން ދަނީ ދައްކާލަމުންނެވެ.
ރަށު ފަތުރުވެރިކަން ކުރިއެރުވުމުގެ ގޮތުން ކުރިއަށް ގެންދާ "ރަށު އެކްސްޕޯ" ކާމިޔާބުކަމާއި އެކު ފެށިގެން ކުރިއަށް އެބަ ދެއެވެ
ރަށު އެކްސްޕޯގައި ބަޔަކު ބައިވެރިވަނީ
ރަށު ފަތުރުވެރިކަން ކުރިއެރުވުމުގެ ގޮތުން ކުރިއަށް ގެންދާ "ރަށު އެކްސްޕޯ" ކާމިޔާބުކަމާއި އެކު ފެށިގެން ކުރިއަށް އެބަ ދެއެވެ.
އެ އެކްސްޕޯގެ އޮފިޝަލް ބޭންކިންގ ޕާޓްނާ އަކީ ބީއެމްއެލްއެވެ.
ބުރާސްފަތި ދުވަހު މި އެކްސްޕޯ ފެށުމުގެ ގޮތުން ބޭއްވި ރަސްމިއްޔާތު ޝަރަފުވެރިކޮށްދެއްވާފައި ވަނީ އިޤްތިޞާދީ ވަޒީރު މުހައްމަދު ސަޢީދުއެވެ.
ޓްރެވެލް ގާއީޒްގެ ފަރާތުން އިންތިޒާމްކޮށްގެން ކުރިއަށް ގެންދާ މި އެކްސްޕޯއަކީ ރާއްޖޭގެ ސަގާފަތާއި ރަށްތަކުގެ ސަޤާފަތް ކުރިއެރުވުމުގެ މަގްސަދުގައި ކުރިއަށް ގެންދާ އެކްސްޕޯއެކެވެ.
ކުދި އަދި މެދު ފަންތީގެ ވިޔަފާރިތަކުގެ 50 އަށްވުރެ ގިނަ ސްޓޯލް ވަނީ މި އެކްސްޕޯގައި ހިމަނާފައި ވާއިރު އޭގެ ތެރޭގައި 25އަށް ވުރެ ގިނަ ރަށާޢި އެކި ކުންފުނިތަކުގެ ސްޓޯލްތައް ހިމެނެއެވެ. އެ އެކްސްޕޯގައި ރިސޯޓްތަކުގެ އިތުރުން ގިނަ ރަށްރަށުގެ ކައުންސިލުން ވެސް ވަނީ ބައިވެރިވެފައެވެ.
އެގޮތުން އެކްސްޕޯގައި ބައިވެރިވި ރަށްރަށުން ވަނީ އެ ރަށްރަށަށް ޚާއްސަ ސަޤާފަތާއި ކެއުން ފަދަ ކަންކަން އެކްސްޕޯގެ ތެރެއިން ދައްކާލާފައެވެ. އަދި އެ ރަށްރަށުގެ ރަށު ފަތުރުވެރިކަމާއި ގުޅޭ މައުލޫމާތުތައް ވެސް މި އެކްސްޕޯގައި ދަނީ ހިއްސާކުރަމުންނެވެ.
މި އެކްސްޕޯ ކުރިއަށްދާނީ ހޮނިހިރު ދުވަހުގެ ނިޔަލަށެވެ.
