" މިނިސްޓްރީގައި ކޭސް ވާރކަރސްގެ ގޮތުގައި ތިބި 40 ވަރަކަށް މީހުން"
13 ފެބުރުއަރީ 2025 | ބުރާސްފަތި 18:13ކޭސް ވާރކަރސްގެ ގޮތުގައި އެ ވުޒާރާގައި ތިބެނީ ވަރަށް ތައުލީމީ ޤާބިލް މީހުން ކަމަށް މިނިސްޓަރ ވިދާޅުވި
އިޖްތިމާއީ އަދި އާއިލީ ތަރައްގީއާ ބެހޭ ވުޒާރާއާ ބެހޭ ވަޒީރު، ޑރ. އައިޝަތު ޝިހާމް
"ޖެންޑަރ މިނިސްޓްރީގައި ކޭސް ވާރކަރސްގެ ގޮތުގައި ތިބި 40 މީހުން ކަމަށް އިޖްތިމާއީ އަދި އާއިލީ ތަރައްގީއާ ބެހޭ ވަޒީރު ޑރ. އާއިޝަތު ޝިހާމް ވިދާޅުވެއްޖެއެވެ.
ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމެއްގައި ރާއްޖެއެމްވީން ކުރި ސުވާލަކަށް ޖަވާބުދެއްވަމުން އެކަމަނާ ވިދާޅުވީ ކޭސް ވާރކަރސްގެ ގޮތުގައި އެ ވުޒާރާގައި ތިބެނީ ވަރަށް ތައުލީމީ ޤާބިލް މީހުން ކަމަށެވެ. އެހެންނަމަވެސް އިތުރު ކޭސް ވޯކަރުން ހޯދުމުގެ މަސައްކަތް ކުރަމުންދާ ކަމަށް ވަޒީރު ވިދާޅުވިއެވެ. ވަޒީރު މިފަދައިން ވިދާޅުވެފައިވާ އިރު ކޭސް ވޯކަރުންނަށް ނުކަތާ ވަރަށް މަސައްކަތް ހުރި ކަމަށް ވަނީ އަޑު ފެތުރިފައެވެ. އެކަމުގެ ސަބަބުން އެ ވުޒާރާގެ ޚިދުމަތްތަކަށް އަސަރުކޮށްފައިވާ ކަމަށް ވެސް އާއްމުން ދަނީ ބުނަމުންނެވެ. އެހެންނަމަވެސް ކޭސް ވޯކަރުންގެ އަތުގައި ހުރި ކޭސްތަކުގެ އަދަދު މިހާރު މަދުކޮށްފައިވާ ކަމަށް ވަޒީރު ވިދާޅުވިއެވެ.
އިތުރަށް ވާހަކަދައްކަވަމުން ވަޒީރު ވިދާޅުވީ ދައުލަތުގެ ބެލުމުގެ ދަށުގައި ތިބި ކުދިންގެ އަދަދު ވޭތުވެދިޔަ އަހަރުތަކުގައި ދަށަށް ގޮސްފައިވާ ކަމަށެވެ. އެގޮތުން ދައުލަތުގެ ބެލުމުގެ ދަށުގައި ތިބި ކުދިންގެ އަދަދު 19 ޕަސަންޓަށް ދަށްވެފައި ވާކަމަށް އެކަމަނާ ވަނީ ވިދާޅުވެފައެވެ.
