އަވަސް އެޕް އިން ކުރިއަށް ގެންދާ "ރައިޑް އެންޑް ވިން"ގެ ފުރަތަމަ ނަސީބުވެރި ފަރާތްތައް ހޮވައިފި

ރާއްޖޭގައި ޓެކްސީ ހިދުމަތްތައް އެންމެ ފުޅާދާއިރާއެއްގައި ހަލުވިކަމާއެކު ދެމުން އަންނަ "އަވަސް ރައިޑުގެ ޚާއްސަ ''ރައިޑް އެންޑް ވިން" ޕްރޮމޯޝަންގެ އެންމެ ފުރަތަމަ މަންތްލީ ގިވް އަވޭގެ ނަސީބުވެރިން ހޮވައިފިއެވެ.

އަވަސް ރައިޑުން ކުރިއަށް ގެންދާ މި ޕްރޮމޯޝަނަކީ އަވަސް އެޕް ބޭނުންކުރާ ކަސްޓަމަރުންނާއި ޓެކްސީ ޑްރައިވަރުންވެސް ހިމަނައިގެން މަހަކު އެއްފަހަރު ކުރިއަށް ގެންދިއުމަށް ހަމަޖެހިފައިވާ ޕްރޮމޯޝަނެކެވެ.

އަންގާރަ ދުވަހުގެ ރާއްޖެ ޓީވީ ސްޓޫޑިޔޯ ގައި މިކަމަށް ބޭއްވި ރަސްމިއްޔާތުގައި ހޮވާފައި ވަނީ ކަސްޓަމަރުންގެ ތެރެއިންނާއި އަދި ޑްރައިވަރުންގެ ތެރެއިން ''ރައިޑް އެންޑް ވިން"ގެ އެންމެ ފުރަތަމަ ގިވް އަވޭގެ ނަސީބުވެރިންނެވެ. އެގޮތުން ގުރުއަތުން ހޮވުނު ފަރާތްތަކަށް އިނާމުގެ ގޮތުގައި ދިނުމަށް ހަމަޖެހިފައިވަނީ "އައިޕޯން 16 ޕްރޯ" އެންމެ ފަހުގެ ފޯނެކެވެ. ނަސީބުވެރި ދެފަރާތައް ވެސް މި އިނާމް ލިބޭނެއެވެ.

އަވަސް އެޕްއިން ކުރިއަށް ގެންދާ ކެމްޕޭނުގެ ދަށުން ގިވްއަވޭ ޕްރޮމޯޝަން ކުރިއަށްގެންދިއުމަށް ހަމަޖެހިފައިވަނީ އެ އެޕް ބޭނުންކުރާ ފަރާތްތަކުގެ މެދުގައި ކޮންމެ މަހަކުވެސް އެއްފަހަރު އެތައް އަގުހުރި އިނާމުތަކެއް ހިމަނައިގެންނެވެ. މި ޕްރޮމޯޝަން ކުރިއަށް ގެންދަނީ އަވަސް އެޕް ބޭނުންކުރާ ކަސްޓަމަރުންނާއި ޓެކްސީ ޑްރައިވަރުން ހިމަނައިގެންނެވެ.

މި ޕްރޮމޯޝަންގައި ބައިވެރިވުމަށް ބޭނުންވާ ފަރާތްތަކަށް، އަވަސް އެޕް މެދުވެރިކޮށް ދަތުރެއް ފުރިހަމަ ކުރުމުން ޕްރޮމޯޝަންގައި ބައިވެރިވެވޭއިރު، އަވަސް އެޕުން ދަތުރު ފުރިހަމަކޮށްފައިވާ ފަރާތްތަކުގެ މެދުގައި ގުރުއަތު ނަގައި މަހަކު އެއްފަހަރު ގިވް އަވޭސް ދިނުމަށް ހަމަޖެހިފައިވެ އެވެ. މިގޮތުން ގިނައިން އެޕް ބޭނުންކުރާ ފަރާތްތަކަށް އިނާމު ހޯދުމުގެ ފުރުސަތު އިތުރުވެގެންދެ އެވެ.

އަވަސް އެޕުން މިހާރު އަވަސް ރައިޑުގެ ހިދުމަތުގެ އިތުރުން، އަވަސް ބައިޓްސްގެ ނަމުގައި ފުޑް ޑެލިވަރީ އަދި އަވަސް އެކްޕްރެސްގެ ނަމުގައި ޕެކޭޖް ޑެލިވަރީ ސާވިސް ވަނީ ތައާރަފު ކޮށްފަ އެވެ.

މި ކެމްޕެއިންގެ މައިގަޑު މަގްސަދަކީ އަވަސް އެޕް ބޭނުންކުރާ ކަސްޓަމަރުން އިތުރުކުރުމާއި، އެޕް މިހާރު ބޭނުންކުރާ ކަސްޓަމަރުންގެ އިތުރުން އަލަށް އެޕް ބޭނުންކުރާ ކަސްޓަމަރުންނަށް ފަސޭހަކަމާއެކު ހިދުމަތް ލިބޭނެގޮތް މަގުފަހިކޮށްދިން ކަމަށް އަވަސް އެޕުން ބުނެ އެވެ.

ރާއްޖޭގައި ޓެކްސީގެ ހިދުމަތްދެމުންގެންދާ އެންމެ ބޮޑު އެއް ކުންފުނި ކަމުގައިވާ އަވަސް ރައިޑް އިތުރު ހިދުމަތްތަކާއެކު އަވަސް އެޕަށް ބަދަލުކޮށް 2،000 އަށް ގިނަ ޑްރައިވަރުންނާއި، އެތައް ސަތޭކަ ހާސް ކަސްޓަމަރުންނާއިއެކު "އަވަސް ރައިޑް" ރީބްރޭންޑުކޮށް، "އަވަސް އެޕް" އަށް ބަދަލުކޮށް ''ރައިޑް އެންޑް ވިން" ގެ ނަމުގައި ގިވް އަވޭގެ ނަމުގައި ބޮޑު ކެމްޕެއިނެއް ފަށާފައިވަނީ 2024 ވަނަ އަހަރުގެ މޭމަހުގެ ތެރޭގައެވެ.

މި ބަދަލާއެކު ކުރިން ދެމުންގެންދިޔަ ހިދުމަތުގެ އިތުރުން ތަފާތު އެހެން ހިދުމަތްތައް ދިނުމަށް ނިންމާފައިވަނީ އާއްމު ދިރުއުޅުމުގައި ފަސޭހަތަކެއް ހޯދައިދިނުމުގެ މަގުސަދުގައި ކަމަށް ވެސް އަވަސް އެޕުން ބުނެ އެވެ.