ރަމަޟާން މަހު ފިހާރަތައް ހުޅުވާފައި ބެހެއްޓޭނީ ދަންވަރު 1 ޖަހަންދެން، ކެފޭ ރެސްޓޯރެންޓް ދަންވަރު 3 ޖަހަންދެން
9 ފެބުރުއަރީ 2025 | އާދީއްތަ 14:42މިނިސްޓްރީ އޮފް އިކޮނަމިކް ޑިވަލަޕްމަންޓުން ބުނީ 15 ފެބްރުއަރީ 2025 އިން ފެށިގެން އަދި ރަމަޟާން މަހާއި ޝައްވާލްމަހުގެ ފުރަތަމަ 7 ދުވަހު، މުދާ ވިއްކާ ތަންތަން ހުޅުވާފައި ބެހެއްޓޭނެ ގަޑިއަކީ ފަތިހު 5:30 އިން މެންދަމު 1:00 އެވެ.
މާލޭގައި ހިންގާ ކެފޭ ރެސްޓޯރެންޓް، މިތަންތަން ހުޅުވާފައި ބެހެއްޓޭނެ ގަޑިއަކީ ފަތިހު 4:30 އިން މެންދަމު 1:00 އަށް
ރަމަޟާން މަހާއި ޝައްވާލު މަހުގެ ފުރަތަމަ 7 ދުވަހު ފިހަރާތަކާއި ކެފޭ ރެސްޓޯރެންޓްތައް ހުޅުވާފައި ބަހައްޓާ ގަޑިތައް އާންމުކޮށްފިއެވެ.
މިނިސްޓްރީ އޮފް އިކޮނަމިކް ޑިވަލަޕްމަންޓުން ބުނީ 15 ފެބްރުއަރީ 2025ން ފެށިގެން އަދި ރަމަޟާން މަހާއި ޝައްވާލްމަހުގެ ފުރަތަމަ 7 ދުވަހު، މުދާ ވިއްކާ ތަންތަން ހުޅުވާފައި ބެހެއްޓޭނެ ގަޑިއަކީ ފަތިހު 5:30ން މެންދަމު 1:00 އެވެ. އަދި ރޯދަމަހުގެ ރޭތަކުގައި ކެއިން ބުއިމުގެ ޚިދުމަތްދޭ ތަންތަން ހުޅުވާފައި ބަހައްޓަންވާނީ އެދުވަހެއްގެ ހަވީރު 5:30ން މެންދަމު 3:00 އާ ދެމެދުއެވެ.
އަދި ޝައްވާލްމަހުގެ ފުރަތަމަ 7 ދުވަހު ކެއިން ބުއިމުގެ ޚިދުމަތްދޭ ތަންތަން ހުޅުވާފައި ބަހައްޓަންވާނީ އެދުވަހެއްގެ ފަތިހު 4:30ން މެންދަމު 3:00 އާ ދެމެދުއެވެ.
އެހެންކަމުން މީހުން ދިރިއުޅޭ ރަށްތަކުގައި ހިންގާ، 24 ގަޑިއިރު ޚިދުމަތްދިނުމުގެ ހުއްދަ ދޫކުރެވިފައިވާ ތަންތަން ހިމެނޭގޮތަށް، ކެއިންބުއިމުގެ ޚިދުމަތްދޭ ތަންތަނުން މަތީގައި ބަޔާންކޮށްފައިވާ ގޮތަށް ޢަމަލުކުރުމަށް އަންގާ ކަމަށެވެ.
ކަލަންޑަރުގައިވާ ގޮތުން މި އަހަރުގެ ރަމަޟާން މަހުގެ ފުރަތަމަ ދުވަހަކީ މާޗް މަހުގެ 1 ވަނަ ދުވަހެވެ. އަދި ރަމަޟާން މަހުގެ ފަހު ދުވަހަކީ މާޗް މަހުގެ 30 ވަނަ ދުވަހެވެ. އެހެންކަމުން ފިތުރު އީދުވާނި މާޗް 31 ވަނަ ދުވަހަށެވެ.
