މާލޭގެ ޓްރެފިކް ހާލަތުގެ ސަބަބުން ޒަމާނުއްސުރެ ޓެކްސީގެ ހިދުމަތަށް ގޮންޖެހުންތަކެއް ވަނީ ކުރިމަތިވެފައެވެ. ނަމަވެސް މިކަން ބަދަލުކުރުމަށް ޑްރައިވަރުން އިސްނަގައިގެން ތައްޔާރުކޮށްފައިވާ އައު ޓެކްސީ އެޕްލިކޭޝަން "ކުއިކް އެމްވީ" އިން ވަނީ ފަށާފައެވެ.

މި އެޕްލިކޭޝަން ފަރުމާކުރުމުގައި، ކޮންމެ ދުވަހަކުވެސް މާލެތެރޭގެ ދަތުރުތަކުގައި ހަރަކާތްތެރިވާ ޑްރައިވަރުންގެ ތަޖުރިބާ ހިމަނާފައިވުމާއެކު، މި އެޕްލިކޭޝަން ބޭނުން ކުރުމުން މާލޭގައި ޓެކްސީ ޚިދުމަތް ހޯދުމަށް މިހާރަށްވުރެ ފަސޭހަ ވާނެ ކަމަށް މައުލޫމާތު ލިބިފައިވެއެވެ.

އެގޮތުން ޕްރީ-އޯޑަރ އަދި އާޖެންޓް ދަތުރުތައް ކުރެވޭ ފީޗާއެއް ކުއިކް އެމްވީ އެޕްލިކޭޝަނުގައި ވެއެވެ. މިއީ ކަސްޓަމަރުންނަށް ނުވަތަ ޓެކްސީ ޚިދުމަތް ހޯއްދަވާ ފަރާތްތަކަށް ޓެކްސީ އެންމެ ބޮޑަށް ބޭނުންވާނެ ހާލަތްތަކުގައި އެ ޓެކްސީގެ ޚިދުމަތް، ކަސްޓަމަރަށއަށް ލިބުމަށް އެހީތެރިވެދިނުމަށް ހިމަނާފައިވާ ފީޗާއެކެވެ. ޝެޑިއުލް ދަތުރެއް ކަމުގައިވިޔަސް، ނުވަތަ ޓްރެފިކް ބާރުބޮޑު ގަޑިތަކުގައި ކުއްލި (އާޖެންޓް) ދަތުރެއްކަމުގައި ވިޔަސް، މި އެޕްލިކޭޝަނުން ކާރާއި ވޭން ދަތުރަށް ވެސް އޯޑަރ ކޮށްލެވޭނެއެވެ. މީގެ އިތުރުން ސައިކަލު ޓެކްސީގެ ހިދުމަތް ވެސް މިހާރަށް ވުރެ ފަސޭހައިން ލިބޭނޭ ގޮތަށް ރައިޑަރުން އިތުރު ކުރުމުގެ މަސައްކަތް ކުރިއަށް ގެންދާ ކަމުގައި ވެސް ކުއިކް އެމްވީގެ ފަރާތުން ފާހަގަކުރިއެވެ.

ކުއިކް އެމްވީގެ އެއް ފައުންޑަރ އާދަމް އަލީ ފާހަގަކުރެއްވި ގޮތުގައި މި އެޕްލިކޭޝަންގެ ޕްރީ އޯޑަރު ފީޗާ އަކީ ވަކި ވަގުތެއްގައި ވަކި މަންޒިލަށް ދާން ޖެހޭ ފަރާތްތަކަށް ހާއްސަކޮށްގެން ފަރުމާކޮށްފައި ހުރި ވަރަށް ވެސް ހާއްސަ އަދި އަދި ފައިދާހުރި ފީޗާއެކެވެ. ކުއިކް އެމްވީ އެޕްލިކޭޝަންގައި މިހާރުވެސް 1000 އަށްވުރެ ގިނަ ޑްރައިވަރުން ތިބޭއިރު، ޚިދުމަތް އަވަސް ކުރުމުގެ ގޮތުން ކޮންމެ ގަޑިއަކުވެސް މާލެ ތެރޭގެ ދަތުރުތަކަށް ޚާއްޞަކޮށްގެން ޑްރައިވަރުން ތިބޭނެ އެވެ.

މީގެ އިތުރުން އެޕްގައި ގެސްޓް ހައުސްތަކަށް ހާއްސަކޮށްގެން ފަރުމާކުރެވިފައިވާ ފީޗާއެއް ވެސް ވަނީ ހިމަނާފައެވެ. އެކަމަށް ހާއްސަކޮށްގެން އެޕްގެ ވެބް ވާޝަންއެއް ވަނީ ތައާރަފު ކޮށްފައެވެ. މި ފީޗާ އޮފީސްތަކުގައި ކޮމްޕިއުޓަރ ކައިރީ މަސައްކަތް ކުރައްވާ ބޭފުޅުންނަށް ވެސް ބޭނުން ކުރެވޭނެ ކަމަށް ކުއިކް އެމްވީ ޓީމުން ފާހަގަ ކުރެއެވެ.

ޕްރޮފެޝަނަލިޒަމަކީ ކުއިކް އެމްވީގެ ގެ އެންމެ މުހިންމު އެއް ފޯކަސް ކަމަށާއި މި އެޕްލިކޭޝަނުންގެ ޑްރައިވަރުންނަކީ ޕްރޮފެޝަނަލް ގޮތެއްގައި ފަސިންޖަރުންނާ މުއާމަލާތްކޮށް، ފަސޭހަ އަދި ރައްކާތެރިކަމާއެކު ދަތުރުކުރުމުގެ ތަޖުރިބާ ލިބިހުރި ޑްރައިވަރުންކަންވެސް ފާހަގަކުރިއެވެ. އަދި ކުއިކް އެމްވީގެ ފަރާތުން ހުރިހާ ޑްރައިވަރުންނަށް ވެސް ކުއިކްއެމްވީގެ ޓީމާ ގުޅުމުގެ ފުރުސަތު ހުޅުވާލާފައިވާއިރު އަންހެން ބޭފުޅުންނަށް ވެސް ފަހި ފުރުސަތުތަކެއް އޮތް ކަމަށް ވަނީ ފާހަގަ ކޮށްފައެވެ.

ޑްރައިވަރުންނާއި ފަސިންޖަރުންނަށް ވެސް ހުޅުވާލައިގެން ކުއިކް އެމްވީ އިންވަނީ ޕްރޮމޯޝަނެއް ވެސް ފަށައިފަ އެވެ. މާޗް 31، 2025 އާ ހަމައަށް ކުރިއަށްދާ މިޕްރޮމޯޝަންގައި ކުރާ ކޮންމެ ދަތުރަކުން ވައުޗަރެއް ލިބޭނެއެވެ. ފަސިންޖަރުން ކުރާ ކޮންމެ ދަތުރަކަށް އެއް ވައުޗަރ ލިބޭއިރު، ޑްރައިވަރުން ކުރާ އެތެރޭގެ ކޮންމެ ދަތުރުތަކަށް ދެ ވައުޗަރ އަދި އެހެން ކޮންމެ ދަތުރަކަށް 01 ވައުޗަރ ލިބިއެވެ. މި ޕްރޮމޯޝަން ނިމުމުން ނަސީބުވެރި ޑްރައިވަރާއި ޕަސެންޖަރަށްވެސް އައިފޯން 16 ޕްރޯ ލިބޭނެ ކަމަށް މަޢުލޫމާތުދީފައެވެ.

ޚިދުމަތް ހޯދާ ފަރާތްތަކަށް ފަސޭހަ ވާނެ ގޮތަށް ތައާރަފްކޮށްފައިވާ މި އެޕްލިކޭޝަނަކީ ބަގްސްގެ އުނދަގޫ ނުޖެހޭ ގޮތަށް ފަރުމާކޮށްފައިވާ އެޕްލިކޭޝަނެކެވެ. ތަފާތު ގިނަ ބަދަލުތަކާއި އަދި ޕަސެންޖަރުންނަށް ފަސޭހަ ޚިދުމަތާއިއެކު ކުއިކް އެމްވީ ވެގެންދާނީ މާލޭގެ ޓެކްސީގެ ޚިދުމަތަށް ބޮޑު ބަދަލެއް ގެންނާނެ އެޕްލިކޭޝަނަކަށެވެ. ކުއިކް އެމްވީ އެޕްލިކޭޝަން އެޕްސްޓޯރ އިން އަދި ޕްލޭސްޓޯރ އިން ޑައުންލޯޑް ކުރެވޭނެއެވެ.

ކުއިކް އެމްވީ އެޕްލިކޭޝަން އަދި ސެންޓަރުން ވަނީ ކުއިކް އެމްވީ ގެ ސެންޓަރު ނަންބަރު އަދި ހޮޓްލައިން ނަންބަރު ވެސް ތައާރަފްކޮށްފައެވެ. އެއީ 3348080 އަދި 7317575 އެވެ.