ދުނިޔެ
ފަލަސްތީން
ޣައްޒާގެ ރައްޔިތުން ގަދަކަމުން އެތަނުން ބޭލުމާ އދ. އިން ދެކޮޅު
އދ. އިން ބުނެފައިވަނީ ގަދަކަމުން މީހުން ބޭލުމަކީ އެ ޖަމްއިއްޔާ އިން ދެކޭ ގޮތުގައި ނަސްލު ނައްތާލުމުގެ ބާވަތެއް ކަމުގައި.
ރާއްޖެ އެމްވީ | 28 ޖެނުއަރީ 2025 | އަންގާރަ 02:50
ހަނގުރާމައިގައި ގެދޮރު ދޫކޮށް ޣައްޒާގެ ތެރޭގައި ހިޖުރަކުރަން މަޖުބޫރުުވި މީހުން އެނބުރި ޣައްޒާގެ އުތުރަށް ދަނީ
ބާރުގެ ބޭނުންކޮށްގެން ޣައްޒާގެ ރައްޔިތުން އެތަނުން ބޭލުން ހަރުކަށި އިބާރާތުން ދެކޮޅު ހަދާކަން އދ އިން ކަށަވަރުކޮށްދީފައެވެ.
އދ. އިން ބުނީ އެއީ އެ ޖަމްއިއްޔާ އިން ދެކޭ ގޮތުގައި އެއީ "ނަސްލު ނައްތާލުން" ކަމުގައެވެ.
އދ ގެ ސެކްރެޓަރީ ޖެނެރަލްގެ ޚާއްޞަ ތަރުޖަމާނު ސްޓެފަން ޑުޖަރިކް ވިދާޅުވީ ބާރުގެ ބޭނުންކޮށްގެން މީހުން ބޭރުކުރުމަށް މަގުފަހިވެދާނެ ނުވަތަ ނަސްލު ނައްތާލުމުގެ އެއްވެސް ބާވަތަކަށް މަގުފަހިވެދާނެ އެއްވެސް ޕްލޭނަކަށް އދ. އިން ޠަބީޢީ ގޮތެއްގައި ދެކޮޅު ހަދާނެ ކަމަށެވެ.
