ރާއްޖޭގެ އަންސޯލްޓަޑް ރޭސިންގ ކުލަބް ލަންކާ ޑުރޭގް ވޯރސް އަށް
18 ޖެނުއަރީ 2025 | ހޮނިހިރު 12:23ޑްރޭގް ރޭސް "ޑްރޭގް ވޯރސް 2025" މުބާރާތް ކުރިއަށް ދާނީ މި މަހުގެ 26 ވަނަ ދުވަހު ލަންކާ ކަޓުކުރުންޑަ ރޭސިންގް ޓުރެކްގަ
ރޭސިންގ އެސޯސިއޭޝަނުން ހުޅުމާލޭގައި ކުރިއަށް ގެންދިޔަ ރޭސިންގް އިވެންޓެއްގެ ތެރެއިން.
ސްރީލަންކާގެ ކޮލަމްބޯ ރޭސިންގ ކުލަބުން އިންތިޒާމުކޮށްގެން ކުރިއަށްގެންދަން ރާވާފައިވާ ޑްރޭގް ރޭސް މުބާރާތް، "ޑްރޭގް ވޯރސް 2025" ގައި ރާއްޖޭގެ ރޭސިންގ ކޮމިއުނިޓީގައި އެތަކެއް މުބާރާތަކުން ވަަނަތަށް ހޯދައިފާވާ އަންސޯލްޓަޑް ރޭސިންގެ ނަން މައްޝޫރު ދެ އެތުލީޓުން ކަމަށް ވާ ހަމްދޫން ނަސީރް (އޮމްޕި) އަދި ހަސަން ފަޔާޒް، ބައިވެރިވެއްޖެއެވެ.
ސްރީލަންކާގެ ކޮލަމްބޯ ރޭސިންގ ކުލަބުން އިންތިޒާމުކޮށްގެން ކުރިއަށްގެންދާ ޑްރޭގް ރޭސް "ޑްރޭގް ވޯރސް 2025" މުބާރާތް ކުރިއަށް ދާނީ މި މަހުގެ 26 ވަނަ ދުވަހު ލަންކާ ކަޓުކުރުންޑަ ރޭސިންގ ޓުރެކްގައެވެ.
މިއީ މި ރާއްޖޭގެ ރޭސިންގ ކުލަބުން އަމިއްލައަށް އިސްނަގައިގެން ބައިވެރިވި މުބާރާތެއް ކަމުގައި ވީ ނަމަވެސް މި ރޭހަށް އެ ފަރާތުން ދަނީ ރާްއްޖެތަމްސީލްކޮށް، ރާއްޖެއަށް ރީތި ނަމެއް ހޯދައިދިނުމަށް ކަމަށް އެ ފަރާތުން ބުނެވެއެވެ. އަދި މި މުބާރާތް ކާމިޔާބުކޮށް، އަމިއްލަ ޤައުމަށް ރީތި ނަން ހޯދައިދޭން ކުރެވުނު އެންމެ ފުރިހަމައަށް، ގަދަހިތްވަރާއި އެކު މަސައްކަތް ކުރާނެ ކަމުގެ ޔާގިންކަން ވެސް އެ ފަރާތުން ވަނީ ދީފައެވެ.
ލަންކާގައި ބާއްވާ މި މުބާރާތަށް ދިއުމުގައި ރޭސިންގ އެސޯސިއޭޝަން އޮފް ދަ މޯލްޑިވްސް އަދި ކުޅިވަރު ވުޒާރާއިން ވެސް އެ ކުލަބަށް އެކި ގޮތްގޮތުން އެހީތެރިކަން ފޯރުކޮށްދީފައިވާކަން ވެސް އެ ކުލަބުން ވަނީ ފާހަގަކޮށްފައެވެ.
އެ ކުލަބުން ބުނީ މިއީ ރާއްޖެއިން ބޭރު ޤައުމެއްގައި މިފަދަ މުބާރާތެއްގައި ބައިވެރުމަށް ދާ ފުރަތަމަ ފަހަރެއް ނޫންކަމަށާއި މީގެ ކުރިން 2022 ވަނަ އަހަރު ތައިލޭންޑުގައި އޮތް ޑުރޭގް ރޭސްއެއްގައި ވެސް އެ ކުލަބުން ބައިވެރިވެފައިވާކަމަށެވެ. އެގޮތުން 30 މޯޓަރ ސްޕޯރޓްސްގެ އަލީ އައިމަން (ބެރާޑު) ބައިވެރިވެ، އެ މުބާރާތުގެ 4 ވަނައަށް ގޮސްފައި ވާކަން ވެސް އެ ކުލަބުން ފާހަގަކުރިއެވެ. އަދި ހަމަ އެހެންމެ ވޭތުވެދިޔަ 19 އަހަރު ތެރޭގައި ސްރީލަންކާގައި ކުރިއަށް ދިއަ އެތަކެއް ރޭސިންގ މުބާރާތްތަކުގައި ދިވެހި އެކި ރައިޑަރުން ބައިވެރިވެ، އެކިއެކި ވަނަތަށްވެސް ހޯދާފައިވާކަނ ވެސް އެ ކުލަބުން ހާމަކުރިއެވެ.
ރާއްޖެއަކީ ނިސްބަތުން މީސްކޮޅޫ މަދު، އަދި ކުޑަ ޤައުމެއް ނަމަވެސް މި ރޭސިންގ ގެ މި ކުޅިވަރުގައި ފާހަގަކޮށްލެވޭ ހުނަރުވެރި، އެތަކެއް އެތުލީޓުންނެއް އެބަ ތިއްބެވެ. ނަމަވެސް މިކަމުގެ ހުނަރު ފަރިތަކުރުމަށް ލިބޭ ފުރުސަތުތައް މަދުވުމަކީ އެ ފަރާތްތަކުގެ އެންމެ ބޮޑު ކަންބޮޑުވުމެކެވެ. އެފަރާތްތަކުން ބޭނުން ވަނީ ކަމުގެ ހުނަރު ފަރިތަ ކުރާނެ ގިނަ ފުރުސަތު ތަކެއް ލިބުމެވެ.
މިހާރު މި ސަރުކާރުން މާލެގައި މޯޓަރސްޕޯރޓްސް ހަރަކާތްތަށް ހުއްޓުވާފައި ވާކަން ފާހަގަކުރައްވާ އެ ކުލަބުން ބުނީ ސަރުކާރުން އެފަދަ ފިޔަވަޅެއް އަޅައި މޯޓާރސްޕޯރޓްސް ހަރަކާތްތަށް ހުއްޓުވާފައި ވުމުން ހިތާމަކުރާ ކަމަށެވެ. އަދި އެއީ އެފަދަ ކަމެއް ސަރުކާރުން ކޮށްފައި މިވަނީ އެ ފަރާތާއި ނުވެސް ބެހޭ ކަމެއްގައި ކަންވެސް ފާހަގަކޮށްފައިވެއެވެ.
"ރާއްޖެ އެމްވީ" އަށް މައުލޫމާތު ދެމުން ރޭސިންގ އެސޯސިއޭޝަނުން ބުނީ ސަރުކާރުން މޮޓާރސްޕޯރޓްސް ހަރަކާތްތަށް ހުއްޓުވާފައި ވުމުން އެތަކެއް ބޮޑެތި ގޮންޖެހުންތަކަކާއި ކުރިމަތިވެފައިވާ ކަމަށާއި އެގޮތުން ލަންކާގައި އޮންނަ ރޭހަށް ފުރާ އެކުލަބުގެ ދެ ރައިޑަރުންނަށް ފަރިތަކުރާނެ ހަމަ އެއްވެސް ގޮތެއް ހަމަ ނުޖެހުނު ކަމަށެވެ. އަދި މިދިޔަ މަހު ހުޅުމާލޭގައި ހުރިހާ ކަމެއް ހަމަޖެހި ބާއްވަން ތައްޔާރުވި ރޭސިންގް އިވެންޓް ވެސް އެންމެ ފަހު ގަޑީގައި ކެންސަލްކޮށްލުން ވެގެން ދިޔައީވެސް އެފަރާތްތަކަށް ފަރިތަކޮށްލަން ލިބުނު ފުރުސަތު ގެއްލިގެން ދިޔަކަމަކަށެވެ.
އެސޯސިއޭޝަނުން އިތުރަށް ބުނީ މިތީބީ ވާހަކަ ދައްކައިގެން ވެސް މި ކަމަށް ހައްލެއް ހޯދަން ތައްޔާރަށް ކަމަށާއި ރައިސުލްޖުމްހޫރިޔާ ޑރ. މުހައްމަދު މުއީޒް އާއި ބައްދަލުކުރަންވެސް މަސައްކަތްތަކެއް ކުރެވިއްޖެކަމަށާއި ނަމަވެސް އަދި އެކަން ކާމިޔާބު ނުވާކަމަށެވެ.
