އިރާނުގެ ޚާރިޖީ ސިޔާސަތުގައި އެންމެ އިސްކަން ދޭނީ ނިއުކްލިއާ އެއްބަސްވުން އެމެރިކާ އިން ހަލާކު ކުރުމަށް ފުރުސަތު ނުދިނުމަށް: އެމެރިކާ
21 އޯގަސްޓު 2017 | ހޯމަ 10:49ރައީސް ރޫހާނީގެ ދެވަނަ ދައުރު ފައްޓަވާފައި ވަނީ އޯގަސްޓް މަހު
އިރާނުގެ ރައީސް ރައީސް ހަސަން ރޫހާނީ
އީރާނުގެ ޚާރިޖީ ސިޔާސަތުގައި އެންމެ އިސްކަން ދޭނީ ނިއުކްލިއާ އެއްބަސްވުން އެމެރިކާ އިން "ހަލާކު ކުރުމަށް ފުރުސަތު ނުދީ" ހިމާޔަތް ކުރަން ކަމަށް ރައީސް ހަސަން ރޫހާނީ ވިދާޅުވެއްޖެއެވެ.
އިރާނުގެ ގާނޫނު ހަދާ މަޖިލީހުގައި ވާހަކަފުޅު ދައްކަވަމުން ރައީސް ރޫހާނީ ވިދާޅުވީ އިރާނުގެ ޚާރިޖީ މިނިސްޓަރުގެ އެންމެ ބޮޑު ޒިންމާ އަކީ 2015 ވަނަ އަހަރު ގާއިމްކުރި ނިއުކްލިއާ އެއްބަސްވުން މަތީ ދެމިހުރުން ކަމަށާއި އަދި "އެމެރިކާ އާއި އަދި އެހެނިހެން ދުޝްމަނުންގެ މައްޗަށް ކުރި ނުހޯދުން ކަމަށެވެ."
އެމެރިކާ އިސްވެއޮވެ އިރާނާއެކު އެކުލަވާލާފައިވާ ނިއުކްލިއާ އެއްބަސްވުމާމެދު މިހާރުގެ ރައީސް ޑޮނަލްޑް ޓްރަމޮޕް އެމަނިކުފާނުގެ ރިޔާސީ ކެމްޕެއިންގައި ވިދާޅުވެފައި ވަނީ އިރާނުގެ ނިއުކްލިއާ އެއްބަސްވުން "ވީދާލައްވާނެ" ކަމަށެވެ.
ރޫހާނީ އިތުރަށް ވިދާޅުވީ ޚާރިޖީ ވުޒާރާގެ ދެ ވަނަ އަށް އެންމެ ބޮޑު މަސްއޫލިއްޔަތަކީ ބޭރުގެ އިންވެސްޓްމަންޓް ހޯދުން ކަމަށެވެ. އަދި ހަމައެކަނި ގޭހާއި ތެލުގެ ސެކްޓާ އަށް 200 ބިލިއަން ޑޮލަރުގެ އިންވެސްޓްމަންޓް ބޭނުންވާ ކަމަށެވެ.
މީގެ ހަފްތާއެއްހާ ދުވަސް ކުރިން އިރާނުގެ ރައީސް ރޫހާނީ ވިދާޅުވީ އެމެރިކާ އިން އިރާނާ ދެކޮޅަށް އާ ދަތިކުުރުމުގެ ފިިޔަވަޅުތައް އަޅާނަމަ އިރާނުން ނިއުކްލިއާ އެއްބަސްވުމުމާ ދުރަށް ދާނެކަމަށް ވިދާޅުވެފައެވެ.
އިރާނުގެ ރަައީސް ރޫހާނީގެ ދެވަނަ ދައުރު ފައްޓަވާފައި ވަނީ އޯގްސްޓް ކުރީކޮޅުއެވެ.
