ރައްޔިތުންގެ މަޖިލީހުގެ ތެރެއިން ވެރިކަން ނިމުމަކަށް ގެނައުމަކީ ބަޣާވާތެއް ނޫން، އެއީ އެކަން ކުރަން އޮންނަތަން
31 ޑިސެމްބަރު 2024 | އަންގާރަ 22:57ނިޒާމް އޮންނަގޮތުން މަޖިލީހުގެ ތެރެއިން ވެރިކަން ބަދަލުކުރެވޭނެ
ދި ޑިމޮކްރެޓްސް ޕާޓީގެ ނައިބްރައީސް މުޙައްމަދު ޝިފާޒް (ޝިއްޕެ)
ރައްޔިތުންގެ މަޖިލީހުގެ ތެރެއިން ވެރިކަން ނިމުމަކަށް ގެނައުމަކީ ބަޣާވާތެއް ނޫން ކަމަށާއި، އެއީ އެކަން ކުރަން އޮންނަތަން ކަމަށް ދަ ޑިމޮކްރެޓްސް ޕާޓީގެ ނައިބްރައީސް މުޙައްމަދު ޝިފާޒް (ޝިއްޕެ) ވިދާޅުވެއްޖެއެވެ.
"2024 ކުރުކޮށް" ޕްރޮގްރާމުގައި ވާހަކަ ދައްކަވަމުން ޝިފާޒް ވިދާޅުވީ 19 ރައްޔިތުންގެ މަޖިލީހުގެ މެންބަރުންތަކެއް ރައީސް ޑރ. މުހައްމަދު މުއިއްޒު ގެންދެވި ހަނދާނެއްވެސް ނެތް ކަމަށާއި، މެންބަރުން ބަދަލުވުމަކީ ވަރަށް ދެރަ ކަމެއް ކަމެއް ކަމަށާއި، އެއީ ދުނިޔެމަތީ ކުރަން އެންމެ ބޮޑު ފާފަ ކަމަށް ރައީސް ވިދާޅުވަމުން ގެންދެވި ކަމަށާއި، އެކަމާއި ދެރަވެގެން ގާނޫނު އަސާސީވެސް ބަދަލުކުރައްވާފައިވާ ކަމަށެވެ.
އަދި މިއަދު އިވެނީ ވޮޝިންޓަން ޕޯސްޓުގައި، ވެރިކަން ބަދަލު ކުރަން އުޅުނުކަމަށް ލިޔެފައިވާ ކަމަށާއި، އެ މިންވަރުގައި އެކަން އެނގުނު ނަމަ އެކަން ކުރައްވަންވެސް މަސައްކަތް ކުރައްވާނެ ކަމަށާއި، ޕީއެންސީގެ ތެރެއިން މެންބަރުން ތިބިއްޔާ އެ މެންބަރުންނާއިވެސް ވާހަކަ ދައްކައިގެން އެކަން ކުރެވޭތޯ މަސައްކަތް ކުރާނެކަމަށް ޝިފާޒު ވިދާޅުވިއެވެ.
ޝިފާޒް ވިދާޅުވީ ރައްޔިތުންގެ މަޖިލީހުން އެކަން ކުރެވޭނެ ކަމަށާއި، ނިޒާމު އޮތީ އެގޮތަށް ކަމަށެވެ.
ހުސްވި އަހަރުގެ ޑިސެމްބަރު މަހުގެ 28 ވަނަ ދުވަހުގެ ރޭ އެމްޑީޕީ ގައި ތިއްބެވި ރައްޔިތުންގެ މަޖިލީހުގެ މެމްބަރުން ތަކެއް ވެރިކަން ކުރާ ޕީއެންސީ އަށް ސޮއި ކުރީ ރައީސް މުއިއްޒު ރިޝްވަތު ދެއްވައިގެން ކަމަށް ދޭހަވާ ގޮތަށް އެމެރިކާގެ މަޝްހޫރު ނޫސް ވޮޝިންގޓަން ޕޯސްޓުގައި ޝާއިއު ކުރި ރިޕޯޓެއް ގައި ބުނެފައިވެއެވެ.
ވޮޝިންގޓަން ޕޯސްޓުގައި އާދިއްތަ ދުވަހު ޝާއިއު ކުރި ރިޕޯޓެއްގައި ބުނެފައިވަނީ، އެމްޑީޕީގެ މަޖިލިސް މެމްބަރުންތަކެއް ޕީއެންސީ އަށް ގެންދިޔައީ ވެރިކަމުން ޑރ. މުއިއްޒު އަޒުލު ކުރަން އުޅޭ ކަމުގެ މައުލޫމާތު އެމަނިކުފާނަށް ލިބިވަޑައިގަތުމުން އެކަން ވިޔަ ނުދިނުމަށް ކަމުގައެވެ.
ދަ ވޮޝިންގޓަން ޕޯސްޓުގައި ބުނެފައިވަނީ އެމްޑީޕީ އަށް ނިސްބަތްވާ ބައެއް މެމްބަރުންނަށް ރައީސް މުއިއްޒު ގާތްގަނޑަކަށް 200،000 އެމެރިކާ ޑޮލަރުގެ ރިޝްވަތު ދެއްވި ކަމަށެވެ.
