އާ އަހަރާއި ދިމާކޮށް ބޭންކް ތައް 5 ދުވަހަށް ބަންދުކުރަނީ
ބޭންކްތައް ބަންދުވާނީ ޑިސެމްބަރު މަހުގެ 31 އިން ޖެނުއަރީ 5 އަށް
ބީއެމްއެލް އިން މާފުށި ބްރާންޗުން ދޭ ހިދުމަތްތައް ފުޅާކޮށްފި
އަންނަ އައު އަހަރާއި ދިމާކޮށް 31 ޑިސެމްބަރ ވަނަ ދުވަހު ބޭންކް އޮފް މޯލްޑިވްސްއާއި މޯލްޑިވްސް އިސްލާމިކް ބޭންކް ބަންދުވާނެކަމަށް އެ ބޭންކުތަކުން ބުނެފިއެވެ.
ބީއެމްއެލްއާއި އަދި އެމްއައިބީން އާންމުކުރި ޕޯސްޓެއްގައި ބުނީ 31 ޑިސެމްބަރުން ފެށިގެން ބޭންކް ބަންދުވާނެކަމަށާއި ދެން ހުޅުވޭނީ އައު އަހަރުގެ ޖެނުއަރީ މަހުގެ 5 ގައި ކަމަށެވެ.
އާ އަހަރާއި ދިމާކޮށް ފަސް ދުވަހަށް ބޭންކްތައް ބަންދުވާތީ، ދުރާލާ ކަންކަން ނިންމެވުމަށް އެ ބޭންކްތަކުން ވަނީ ކަސްޓަމަރުންގެ ކިބައިން އެދިފައެވެ.
ބީއެމްއެލްއިން ބުނީ މި މުއްދަތުގެ ތެރޭގައި ބީއެމްއެލް ބަންދުވީނަމަވެސް އިންޓަނެޓް އަދި މޯބައިލް ބޭންކިންގެ ޚިދުމަތާއި، ސެލްފް ސަރވިސް އޭޓީއެމް އަދި ކަސްޓަމަރ ސަޕޯރޓް ސަރވިސްގެ ޚިދުމަތް ލިބެން ހުންނާނެކަމަށެވެ.
އެމްއައިބީން ބުނީ ބޭންކް ބަންދުވާ މުއްދަތުގައި އީ-ބޭންކިންއާއި، އޭޓީއެމްގެ އިތުރުން ކަސްޓަމަރ ކެއަރ ސެންޓަރގެ ޚިދުމަތް ލިބެން ހުންނާނެކަމަށެވެ.
ބީއެމްއެލް އަކީ މިވަގުތު ރާއްޖޭގެ އެންމެ ގިނަ މީހުން ހިދުމަތް ހޯދަމުންދާ ބޭންކެވެ.
