ސޫރިޔާ އާ ބެހޭ ގޮތުން އދ. ގެ ސަލާމަތީ މަޖިލީހުގެ ކުއްލި ބައްދަލުވުމެއް ބޭއްވުމަށް ރަޝިޔާއިން އެދިއްޖެ
އޭއެފްޕީ ނިއުސް އޭޖެންސީއިން ޑިޕްލޮމެޓިކް މަސްދަރުތަކާ ހަވާލާދީ ބުނެފައިވަނީ އެ ބައްދަލުވުން އެ ދުވަހު ބޭއްވޭނެ ކަމަށެވެ.
މަގުމަތީގައި ހުރި އަސަދުގެ ފޮޓޯ އަކަށް ގެއްލުން ދީފައިވާ މަންޒަރު މީހަކު ފޮޓޯ ނަގަނީ
ސޫރިޔާގެ ހާލަތާ ގުޅޭ ގޮތުން މަޝްވަރާކުރުމަށް އދ. ގެ ސަލާމަތީ މަޖިލީހުގެ ކުއްލި ބައްދަލުވުމެއް ބޭއްވުމަށް ރަޝިޔާއިން އެދިއްޖެއެވެ.
ރަޝިޔާ އިން އދ. އަށް ކަނޑައަޅާފައިވާ ދާއިމީ މަންދޫބުގެ ފުރަތަމަ ޑެޕިއުޓީ ދިމިޓްރީ ޕޮލިޔަންސްކީ ޓެލެގްރާމްގައި ލިޔުއްވާފައިވަނީ، އޭނާ އުންމީދުކުރާ ގޮތުގައި މި ބައްދަލުވުން ހޯމަ ދުވަހު ބޭއްވޭނެ ކަމަށެވެ.
އޭއެފްޕީ ނިއުސް އޭޖެންސީއިން ޑިޕްލޮމެޓިކް މަސްދަރުތަކާ ހަވާލާދީ ބުނެފައިވަނީ އެ ބައްދަލުވުން އެ ދުވަހު ބޭއްވޭނެ ކަމަށެވެ.
ޕޮލިޔަންސްކީ ވިދާޅުވި ގޮތުގައި، އަސަދުގެ ވެރިކަން ވެއްޓުމުގެ ނަތީޖާތައް ރަޝިޔާއަށާއި މެދުއިރުމަތީގެ އެހެން ޤައުމުތަކަށް ވިސްނިފައިވާ މިންވަރު ސާފެއް ނޫނެވެ.
އޭގެ އިތުރުން އޭނާ ވިދާޅުވީ ޚާއްޞަކޮށް، ގޯލަން ހައިޓްސްގައިވާ އދ. އިން ބަލަހައްޓަމުންދާ ޑީމިލިޓަރައިޒްޑް ސަރަޙައްދު އިސްރާއީލުން ކޮންޓްރޯލް ކުރަން ފެށުމާ ގުޅިގެން އެކަމާ މެދު މަޝްވަރާކުރުމަކީ މުހިންމު ކަމެއް ކަމަށެވެ.
