އިސްރާއީލުން މި ދިޔަ 24 ގަޑީއިރުގެ ތެރޭގައި ފަލަސްތީނުން 48 މީހުން ޝަހީދު ކޮށްލައިފި
29 ނޮވެމްބަރު 2024 | ހުކުރު 04:062023 އޮކްޓޯބަރ 7 ން ފެށިގެން އިސްރާއީލުގެ ހަމަލާތަކުގައި މަރުވެފައިވާ ފަލަސްތީނު މީހުންގެ އަދަދު 44,330 އަށް އަރާފައިވާ އިރު، އިތުރު 104,933 މީހުން ޒަޚަމްވެފައިވެއެވެ.
އިޒްރޭލުގެ އަނިޔާވެރި ހަމަލާއަކާ ގުޅިގެން ފަލަސްތީނުގެ އާއިލާ އަކުން ހިތާމަފާޅު ކުރަނީ
ވޭތުވެދިޔަ 24 ގަޑިއިރުގެ ތެރޭގައި އިސްރާއީލުގެ ބާރުތަކުން ޣައްޒާ ސްޓްރިޕްގެ އާއިލާތަކާ ދެކޮޅަށް ތިން ގަތުލއާންމެއް ހިންގައި، މަދުވެގެން 48 ފަލަސްތީނު މީހުން ޝަހީދު ކޮށްލައި، 53 މީހުން ޒަޚަމްވެފައިވާ ކަމަށް މެޑިކަލް ރިޕޯޓުތަކުން ބުނެފިއެވެ.
ޣައްޒާގެ ސިއްޙީ އިދާރާތަކުން ކަށަވަރުކޮށްދީފައިވާ ގޮތުގައި 2023 އޮކްޓޯބަރ 7 ން ފެށިގެން އިސްރާއީލުގެ ހަމަލާތަކުގައި މަރުވެފައިވާ ފަލަސްތީނު މީހުންގެ އަދަދު 44,330 އަށް އަރާފައިވާ އިރު، އިތުރު 104,933 މީހުން ޒަޚަމްވެފައިވެއެވެ. މީގެ ތެރޭގައި ގިނައިން ހިމެނެނީ އަންހެނުންނާއި ކުޑަކުދިންނެވެ.
ޣައްޒާގެ މަސްދަރުތަކުން ބުނާ ގޮތުގައި، އިސްރާއީލުގެ އޮކިއުޕޭޝަން ބާރުތަކުން އެމްބިއުލާންސްތަކާއި ސިވިލް ޑިފެންސް އުޅަނދުތަކުގެ ދަތުރުފަތުރަށް ހުރަސްއަޅަމުންދާތީ، ހަނގުރާމައިގެ ސަބަބުން ހަލާކުވެފައިވާ މި ސަރަޙައްދުގެ މަގުތަކާއި އެކި ތަންތަނުގައި ހުރި މަރުވެފައިވާ މީހުންގެ ހަށިތަކާއި، ފުނޑުވެފައިވާ އިމާރާތްތަކުގެ ދަށުވެ ޒަޚަމްވެފައިވާ މީހުންނާއި މަރުވެފައިވާ މީހުން ހޯދުމަށް ކުއްލި ނުރައްކަލުގެ ޚިދުމަތްތަކަށް ދެވޭގޮތް ނުވެއެވެ.
އދ. ގެ ސެކިއުރިޓީ ކައުންސިލުން ވަގުތުން ހަނގުރާމަ ހުއްޓާލުމަށް ގޮވާލާފައިި ވިޔަސް އަދި އިންޓަރނޭޝަނަލް ކޯޓް އޮފް ޖަސްޓިސްއިން ޣައްޒާގައި ނަސްލު ނައްތާލުން ހުއްޓުވުމަށާއި އަދި ނާޒުކު އިންސާނީ ޙާލަތު ރަނގަޅުކުރުމަށް ފިޔަވަޅު އެޅުމަށް އަންގާފައިވީނަމަވެސް، އިސްރާއީލުގެ ނަސްލު ނައްތާލުމުގެ ހަމަލާތައް ހުއްޓުމެއްނެތި ކުރިއަށްދެއެވެ.
