މާވެޔޮ މަގުގައި ހުރި ގެއެއްގެ 10 ވަނަ ފަންގިފިލާގައި ރޯވި އަލިފާންގަނޑު ކޮންޓްރޯލްކޮށްފި
25 ނޮވެމްބަރު 2024 | ހޯމަ 15:09ގާތްގަނޑަކަށް ގަޑިއިރެއްގެ ތެރޭގައި އަލިފާންގަނޑު ކޮންޓްރޯލް ކޮށްފައިވޭ
އެމްއެންޑީއެފުން އަލިފާން ނިއްވުމުގެ މަސައްކަތް ކުރަނީ
މާލޭގެ މާވެޔޮ މަގުގައި ހުރި ގެއެއްގެ 10 ވަނަ ފަންގިފިލާގައި ރޯވި އަލިފާންގަނޑު ކޮންޓްރޯލްކޮށްފިއެވެ.
މައުލޫމާތު ލިބޭ ގޮތުގައި އަލިފާން ރޯވީ ނިޔަދުރުމާ ގޭގައެވެ. މިހާދިސާގެ ރިޕޯޓު ހޯމަ ދުވަހުގެ އިރުއޮއްސި 6:30 ހާއިރު އެމްއެންޑީއެފްއަށް ވަނީ ލިބިފައެވެ.
އެމްއެންޑީއެފުން ބުނީ މާފަންނު ގެއެއްގެ 10 ވަނަ ފަންގިފިލާގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެފައިވާ ކަމަށެވެ. އަދި އަލިފާން ރޯވެފައިވަނީ އެ ގޭގެ 10 ވަނަ ފަންގިފިލާގައި ހުރި ގުދަނެއްގައި ކަމަށް އެމްއެންޑީއެފުން ބުނެއެވެ.
ގާތްގަނޑަކަށް ގަޑިއިރެއްގެ ތެރޭގައި އަލިފާންގަނޑު ކޮންޓްރޯލް ކޮށްފައިވާއިރު، އެއްވެސް މީހަކަށް އަނިޔާއެއް ލިބުނުކަމުގެ ރިޕޯޓު ލިބިފައިނުވާ ކަމަށް އެމްއެންޑީއެފުން ބުނެއެވެ.
މިހާދިސާ ހިނގަން މެދުވެރިވި ސަބަބެއް އަދި މިހާތަނަށް ހާމަކޮށްފައިނުވެއެވެ.
