ހުޅުމާލޭގައި އާންމުންގެ މީހަކަށާއި ފުލުހަކަށް ވަޅިން ހަމަލާދޭން އުޅުނު މީހަކު ހައްޔަރު ކޮށްފިއެވެ.
ހުކުރު ދުވަހުގެ ރޭ އިރާކޮޅު މި ހާދިސާ ހިނގީ ހުޅުމާލޭ ފޭސް 1 ގައެވެ.
އުމުރުން 33 އަހަރުގެ ފިރިހެނަކު އާންމުންގެ މީހަކަށް ވަޅިން ހަމަލާ ދޭން އުޅުމުން، އެކަން ހުއްޓުވަން މަސައްކަތްކުރި ފުލުސް މީހާ އަށް ވެސް ވަޅިން ހަމަލާ ދިނުމަށް މަސައްކަތް ކުރީ ކަމަށް މައުލޫމާތު ލިބިފައިވެއެވެ.
ހަމަލާ ދޭން އުޅުނު މީހާ ހިފަހައްޓައިގެން އުޅޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި ވަނީ އާންމުވެފަ އެވެ.
