"ގާނޫނު އަސާސީ ގެ ދިފާއުގައި" މަޖިލިސް ދޮށަށް އެއްވަނީ

"ގާނޫނު އަސާސީގެ ދިފާއުގައި" ރައްޔިތުންގެ މަޖިލިސް ދޮށަށް އެއްވެ އެމްޑީޕީ އިން އިހްތިޖާޖު ކުރަން ނިންމައިފިއެވެ.

މައުލޫމާތު ލިބިފައިވާ ގޮތުގައި އިހްތިޖާޖު ކުރުމަށް ހަމަޖެހިފައިވަނީ، ބުދަ ދުވަހު މެންދުރު ފަހު 1:00 ގައެވެ.

އެމްޑީޕީ އިން ރައްޔިތުންގެ މަޖިލިސް ދޮށުގައި އިހްތިޖާޖު ކުރުމަށް ނިންމާފައިވާ އިރު، ރައީސް މުއިއްޒުގެ ސްޕަރ މެޖޯރިޓީ އޮންނަ 20 ވަނަ މަޖިލިހުން ރައްޔިތުންގެ މަޝްވަރާ ނެތި ގާނޫނު އަސާސީ އަށް ބޮޑެތި ބަދަލުތަކެއް ގެނައުމަށް މަސައްކަތް ދަނީ ކުރަމުންނެވެ.

ގާނޫނު އަސާސީ އަށް ބަދަލު ގެނައުމަށް ހުށަހަޅާފައިވާ ކަންތައް ތަކުގެ ތެރޭގައި ރައްޔިތުންގެ މަޖިލީހުގެ މެންބަރުން ޕާޓީ ބަދަލުކޮށްފި ނަމަ މަޖިލީހުގެ މެންބަރު ކަމުން އިސްފާދިނުން ލާޒިމުވާ ގޮތައް، އެންޓި-ޑިފެކްޝަން ޤާނޫނުގެ މާއްދާތަކެއް ބާތިލުކުރުމަށް އަމިއްލަ ފަރާތަކުން ހައިކޯޓަށް މައްސަލައެއް ހުށަހެޅި ޚަބަރު ލިބުމާއެކު، ހައިކޯޓުން އެ މާއްދާ ބާތިލުކޮށް، ސަރުކާރުގެ ޕާޓީގެ މެންބަރުންތަކެއް އެ ޕާޓީއާ ދުރަށް ހިނގައިދާނެ ކަމުގެ ބިރަށް ޓަކައި، އެއްވެސް މެންބަރަކަށް ޕާޓީ ބަދަލު ނުކުރެވޭނެ ގޮތަށް، ޤާނޫނު އަސާސީގައި ފަލަ އަކުރުން "ކަނޑައި ނަގަން" އެ އުޅުއްވަނީ ރައީސުލްޖުމްހޫރިއްޔާ ބޭނުންފުޅުވާ ގޮތަައް ކަމަށް ގިނަ ބަޔަކު އަންނަނީ ބުނަމުންނެވެ.