އައްޑޫ ސިޓީ ބްރިޖުގައި ހިނގި ނުރައްކާތެރި އެކްސިޑެންޓެއްގައި ޒުވާނަކު މަރުވެއްޖެއެވެ.

ފުލުހުން ބުނީ މި ހާދިސާ ހިނގިކަމުގެ ރިޕޯޓް އެ އިދާރާ އަށް ބުދަ ދުވަހު ލިބިފައިވާ ކަމަށެވެ.

މި އެކްސިޑެންޓްގެ މައްސަލަ ފުލުހުންނަށް ރިޕޯޓް ކޮށްފައިވަނީ 09:49 އެހައިކަންހާއިރުއެވެ.

މި އެކްސިޑެންޓްގައި މަރުވެފައިވަނީ ގ. ނައިޓް ޑްރީމް / ކ. މާލެ، ލީވާން ޢަބްދުއްސައްތާރު (24 އަހަރު) އެވެ.

މިހާތަނަށް ބެލި ބެލުމުން އެނގޭ ގޮތުގައި، އެ އެކްސިޑެންޓް ހިނގާފައި ވަނީ ބާރު ސްޕީޑްގައި ދުއްވާފައި އައި ސައިކަލެއް ކޮންޓްރޯލް ނުވެ ގޮސް ބްރިޖްގެ ފެންސެއްގައި ޖެހިގެން ކަމަށް ފުލުހުން ވަނީ ބުނެފައެވެ.

އަދި އެ އެކްސިޑެންޓް ހިނގީ މަރަދޫ އިން ހިތަދޫ އަށް އެ ސައިކަލު ދުއްވާފައި ދިޔަ މަގުމަތީގައި، ބްރިޖުގެ ބެންޑް ނުވަތަ ލަނބާލާ ހިސާބުން ސައިކަލް ކޮންޓްރޯލް ނުވެގެން ގޮސް ފެންސުގައި ޖެހިގެން ކަމަށް ފުލުހުން ވަނީ މި މައްސަލައިގެ ތަފްސީލް ހިއްސާކުރަމުން ބުނެފައެވެ.

ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.