އިސްރާއީލް އިން ބެލްޖިއަމް ބަލިކޮށްފި
މި ނަތީޖާ އާއެކު މިހާތަނަށް މި ގުރޫޕުގައި ކުޅެފައިވާ ފަސް މެޗުން ހަތަރު ޕޮއިންޓު ހޯދައިގެން އިސްރާއީލް އޮތީ ހަތަރު ވަނައިގަ އެވެ.
އިސްރާއީލް އާއި ބެލްޖިއަމް ކުޅުނު މެޗުގެ ތެރެއިން
ޔުއެފާ ނޭޝަންސް ލީގު އޭގެ ގުރޫޕު ދޭއްގައި ބެލްޖިއަމްއާ ދެކޮޅަށް ކުޅުނު މެޗުން އިސްރާއީލް މޮޅުވެއްޖެ އެވެ.
އާދީއްތަ ދުވަހުގެ ރޭ ބެލްޖިއަމްއާ ދެކޮޅަށް ކުޅުނު މެޗު އިސްރާއީލް އިން ކާމިޔާބު ކުރީ 1-0 އިންނެވެ. އެއީ މެޗުގެ ދެ ވަނަ ހާފުގައި އެ ޓީމުން ޖެހި ލަނޑުންނެވެ.
މެޗުގައި ބެލްޖިއަމް އިން ރަނގަޅަށް ކުޅެފައިވާއިރު، އެ ޓީމުން ވަނީ ލަނޑު ޖަހަން ވެސް ފުރުސަތުތަކެއް ތަނަވަސްކޮށްފަ އެވެ. އެގޮތުން މެޗުގެ ފުރަތަމަ ހާފުގައި ބެލްޖިއަމްގެ ލޮއިސް އޮޕެންޑާ އަށް ވަނީ ލަނޑު ޖަހަން ފުރުސަތު ލިބިފަ އެވެ. އޭގެ ފަހުން ބެލްޖިއަމްގެ ލިއާންޑްރޯ ޓްރޮސާޑް އަށް ވެސް ވަނީ ލަނޑު ޖަހަން ފުރުސަތު ލިބި، ބޭކާރުވެފަ އެވެ.
މެޗުގެ ދެ ވަނަ ހާފުގައި އިސްރާއީލް އަށް ވެސް ލަނޑު ޖަހަން ފުރުސަތު ލިބުނެވެ. މެޗުގެ ފުރިހަމަ ވަގުތު ހަމަވާން ހަތަރު މިނެޓަށް ވެފައި ވަނިކޮށް، އިސްރާއީލަށް ލީޑު ނަގައިދިނީ ޔާޑެން ޝުއާ އެވެ. މެޗުގައި އޭނާ ކުޅެން ނިކުތީ ވެސް ބަދަލު ކުޅުންތެރިޔެއްގެ ގޮތުގައި، މެޗުގެ 73 ވަނަ މިނެޓުގަ އެވެ.
މިއީ ނޭޝަންސް ލީގުގައި އިސްރާއީލް އިން ހޯދި ފުރަތަމަ މޮޅެވެ. މި ނަތީޖާ އާއެކު މިހާތަނަށް މި ގުރޫޕުގައި ކުޅެފައިވާ ފަސް މެޗުން ހަތަރު ޕޮއިންޓު ހޯދައިގެން އިސްރާއީލް އޮތީ ހަތަރު ވަނައިގަ އެވެ. ހަމަ އެ އަދަދަށް މެޗު ކުޅެގެން ހަތަރު ޕޮއިންޓާ އެކު ބެލްޖިއަމް އޮތީ ތިން ވަނައިގަ އެވެ.
