"މައި ފެމިލީ ޑެންޓިސްޓު"ގެ ދެވަނަ ޑެންޓަލް ކްލިނިކް މާލޭގައި ހުޅުވައިފި

ދިވެހިންގެ މެދުގައި އިތުބާރު ހޯދާފައިވާ ކްލިނިކެއް ކަމަށްވާ، "މައި ފެމިލީ ޑެންޓިސްޓު"ގެ ދެވަނަ ޑެންޓަލް ކްލިނިކް މާލޭގައި ހުޅުވައިފިއެވެ.

އެ ކްލިނިކް ހުޅުވާފައި ވަނީ ހޮނިހިރު ދުވަހުއެވެ.

މީގެ ކުރިން މައި ފެމިލީ ޑެންޓިސްޓުގެ ކްލިނިކެއް ހުޅުމާލޭގައި ހުޅުވާ އެ ކްލިނިކްގެ ޚިދުމަތް ދަނީ ކާމިޔާބުކަމާއި އެކު ފޯރުކޮށްދެމުންނެވެ. ހިޔާ ޓަވަރ 3ގައި ހުޅުވި އެ ކްލިނިކަކީ މެޑިކަލް އިކުއިޕްމަންޓާއި ކޮންސިއުމަބްލްސް ރާއްޖޭގެ އެކި ކަންކޮޅުތަކުގައި ޤާއިމްކޮށްފައިވާ ކްލިނިކްތަކާއި ހޮސްޕިޓަލްތަކަށް ފުޅާ ދާއިރާގައި ފޯރުކޮށްދެމުން ގެންދާ ނާޑު ޕްރައިވެޓް ލިމިޓެޑުން ހުޅުވާފައިވާ ކްލިނިކެކެވެ.

ހ.އަބަދަށް ފެހިމަގުގައި އަލަށް ހުޅުވި ކްލިނިކް ހުޅުވާފައި ވަނީ ކުރިން ޤާއިމްކުރި ކްލިނިކަށް ލިބުނު ހޫނު ތަރުހީބަށް ބެލުމަށް ފަހު ކަސްޓަމަރުންނަށް ލުއިފަސޭހަ ޚިދުމަތެއް ޤާއިމްކޮށްދިނުމުގެ ގޮތުންނެވެ. އެ ކްލިނިކް ހުޅުވުމުގެ ރަސްމިއްޔާތުގައި އެ ކްލިނިކް ހިންގަމުން އަންނަ އޭއެމްއީ ނެކްސަސްގެ ސީއީއޯ މރ. ހަސިކާ ޖަޔަސޫރިޔާ ވަނީ ކްލިނިކްގެ ޚިދުމަތްތަކަށް އަލިއަޅުވާލައްވާ ވާހަކަދައްކަވާފައެވެ. އެގޮތުން އެ ކްލިނިކުން އަބަދުވެސް ކަސްޓަމަރުން އުންމީދުކުރާ ފަދަ ރަނގަޅު ޚިދުމަތެއް ޤާއިމްކޮށްދިނުމަށް މަސައްކަތްކުރާކަން ފާހަގަކުރެއްވިއެވެ. އޭނާ ވަނީ އެ ކްލިނިކްގެ ސިޔާސަތަކީ ދަތާ ހިރުގަނޑުގެ މައްސަލަތަކުން ރައްކާތެރިވުމަށް އިސްކަން ދީގެން ޚިދުމަތް ދިނުން ކަމަށާ، އޭއެމްއީ ނެކްސަސްގެ އަމާޒަކީ މައި ފެމިލީ ޑެންޓިސްޓުގެ ކްލިނިކްތައް މާލޭގެ އެހެން އަވަށްތަކަށް ވެސް ފުޅާކުރުން ކަމަށް ވިދާޅުވެފައެވެ.

ފަހުގެ ޒަމާނީ ޓެކްނޮލޮޖީ ބޭނުންކޮށްގެން ދަތުގެ ފަރުވާ ފޯރުކޮށްދެވޭނެ އިންތިޒާމްތައް މި ކްލިނިކްގައި ވަނީ ޤާއިމްކޮށްފައެވެ. މި އައުޓްލެޓްގައި ވެސް ޚިދުމަތްދޭނީ ތަޖުރިބާ ލިބިފައިވާ ސިއްހީ އޮފިޝަލުންނެވެ. މިއީ ސްރީލަންކާގައި ޑެންޓަލް ޚިދުމަތް ފޯރުކޮށްދެމުން އަންނަ ތަޖުރިބާކާރު "މައި ޑެންޑިސްޓް" އާ ގުޅިގެން ޤާއިމްކޮށްފައިވާ ޑެންޓަލް ކްލިނިކެކެވެ.