ތަނބުރުދޫ ބޮޑީބޯޑިންގް ޗެލެންޖުގެ އޮފިޝަލް މީޑިއާ ޕާޓްނަރަކަށް ރާއްޖެޓީވީ ހަމަޖައްސައިފި
މި މުބާރާތް ބޭއްވުމަށް ހަމަޖެހިފައިވަނީ ތަނބުރުދޫގެ ސަލްޓަންސް ސާފް ބްރޭކްގައި
މޯލްޑިވްސް ބޮޑީބޯޑިން ފެޑެރޭޝަންއާއި ރާއްޖެ ޓީވީއާއި ދެމެދު ސޮއި ކުރެވެނީ
މޯލްޑިވްސް ބޮޑީބޯޑިންގް އެސޯސިއޭޝަނުން އިންތިޒާމު ކޮށްގެން އަންނަ ހޮނިހިރު ދުވަހު ބާއްވާ ތަނބުރުދޫ ބޮޑީބޯޑިންގެ ޗެލެންޖުގެ އޮފިޝަލް މީޑިއާ ޕާޓްނަރަކަށް ރާއްޖެ ޓީވީ ހަމަޖައްސައިފިއެވެ.
ބުރާސްފަތި ދުވަހުގެ ހަވީރު ބޭއްވުނު ސޮއި ކުރުމުގެ ރަސްމިއްޔާތުގައި މޯލްޑިވްސް ބޮޑީބޯޑިން އެސޯސިއޭޝަންގެ ފަރާތުން ސޮއިކޮށްފައި ވަނީ އެ އެސޯސިއޭޝަނުގެ ރައީސް އަބްދުﷲ އަރީފްއެވެ. އަދި ރާއްޖެ ޓީވީގެ ފަރާތުން ސޮއިކޮށްފައި ވަނީ ރާއްޖެޓީވީގެ ސީއީއޯ ހުސައިން ފިޔާޒް މޫސާއެވެ.
އަންނަ ހޮނިހިރު ދުވަހު ބާއްވަން ހަމަޖެހިފައިވާ މުބާރާތުގައި ފަނޑިޔާރުކަން ކުރައް ވާނީ އިންޓަނޭޝަނަލީ ސަޓިފައިޑް ދިވެހި ފަނޑިޔާރުން ކަމަށް މޯލްޑިވްސް ބޮޑީބޯޑިން އެސޯސިއޭޝަނުން މައުލޫމާތުދެއެވެ. އަދި މި މުބާރާތް ބޭއްވުމަށް ހަމަޖެހިފައި ވަނީ ތަނބުރުދޫގެ ސަލްޓަންސް ސާފް ބްރޭކްގައި ކަމަށް އެ އެސޯސިއޭޝަނުން މައުލޫމާތުދެއެވެ.
މި މުބާރާތުގެ އެސޯސިއޭޓް ސްޕޮންސާއަކަށް ހަމަޖައްސާފައި ވަނީ ބަނޫން ސާފް ޝޮޕްއެވެ.
