ހިންމަފުށީގައި ހަމަނުޖެހުން ހިންގި ފަސް މީހަކު ހައްޔަރުކޮށްފި
ހަތަރު މީހުން ހައްޔަރު ކުރީ ދެ މައްސަލައެއްގައި
ކ. ހިންމަފުށި
ކ. ހިންމަފުށީގައި ހަމަނުޖެހުން ހިންގި ފަސް މީހަކު ހައްޔަރުކޮށްފިއެވެ.
ފުލުހުން މައުލޫމާތު ދޭ ގޮތުގައި ހަތަރު މީހުން ހައްޔަރު ކޮށްފައިވަނީ ދެ މައްސަލައެއްގައެވެ. އެގޮތުން، ގެސްޓުހައުސްއަކަށް ގެއްލުންދިން މައްސަލައިގައި އެކަކު ހައްޔަރު ކޮށްފައިވާއިރު އިތުރު ހަތަރު މީހުން ހައްޔަރު ކުރީ ރަށުގެ ތެރޭގައި ހަމަނުޖެހުން ހިންގައިގެން ކަމަށް ފުލުހުން ބުނެއެވެ.
ފުލުހުން ބުނީ ގެސްޓުހައުސްއަކަށް ގެއްލުންދީފައިވާ ކަން ރިޕޯޓްކޮށްފައިވަނީ ހުކުރު ދުވަހުގެ މެނދުރު 3:45 ހާއިރު ކަމަށެވެ. އެ ގެސްޓްހައުސްގައި ފަތުރުވެރިން ތިބި ކަމަށާއި ގެސްޓް ހައުސަށް ވަދެ، ތަކެއްޗަށް ގެއްލުންދީފައިވާ ކަމަށް މައުލޫމާތު ލިބެއެވެ.
މި މައްސަލައިގެ ތުހުމަތުގައި 32 އަހަރުގެ މީހަކު ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށް ފުލުހުން ބުނެއެވެ.
ރަށުތެރޭގައި ހަމަނުޖެހުން އުފައްދައިގެން ހައްޔަރު ކޮށްފައިވަނީ އުމުރުން 20، އަހަރާއި 27، އަހަރާއި 29، އަހަރާ އަދި 37 އަހަރުގެ ހަތަރު މީހެކެވެ.
މި ދެ މައްސަލަ ވެސް ފުލުހުން އަންނަނީ އިތުރަށް ތަހުގީގު ކުރަމުންނެވެ.
