ޑެންމާކު ސަލާމަތްކޮށްދިނީ އެރިކްސަން

ޔުއެފާ ނޭޝަންސް ލީގު އޭގެ ގުރޫޕު ހަތަރެއްގައި ސްވިޒަލެންޑާ ދެކޮޅަށް ކުޅުނު މެޗުން ޑެންމާކު އެއްވަރުވެއްޖެ އެވެ.

އަންގާރަ ދުވަހުގެ ރޭ ކުޅުނު މެޗު ނިމުނީ ދެ ޓީމު 2-2ން އެއްވަރުވެގެންނެވެ. މެޗުގެ ފުރަތަމަ ހާފު ނިމުނުއިރު ސްވިޒަލެންޑު އޮތީ ކުރީގަ އެވެ. ނަމަވެސް ދެ ވަނަ ހާފުގައި ޑެންމާކުން ވަނީ ލަނޑު ޖަހައި ނަތީޖާ ހަމަހަމަ ކޮށްފަ އެވެ.

މެޗުގެ ފުރަތަމަ ހާފުގެ 26 ވަނަ މިނެޓުގައި ސްވިޒަލެންޑަށް ލީޑު ނަގައިދިނީ ރެމޯ ފްރެއުލާ އެވެ. އޭގެ މިނެޓެއް ފަހުން ގުސްޓާވް އިސާކްސެން ވަނީ ލަނޑު ޖަހައި ޑެންމާކަށް ނަތީޖާ ހަމަހަމަ ކޮށްދީފަ އެވެ. ނަމަވެސް ފުރަތަމަ ހާފުގެ އިތުރު ވަގުތުގައި ސްވިޒަލެންޑުން ވަނީ ލަނޑު ޖަހައި ދެ ވަނަ ފަހަރަށް ލީޑު ނަގައިފަ އެވެ. އެ ޓީމަށް ލިބުނު ޕެނަލްޓީ ކާމިޔާބުކޮށް ލީޑު ނަގައިދިނީ ޒެކީ އަމްދޫނީ އެވެ. މެޗުގެ ދެ ވަނަ ހާފުގެ، 69 ވަނަ މިނެޓުގައި ދެ ވަނަ ފަހަރަށް ޑެންމާކަށް ނަތީޖާ ހަމަހަމަ ކޮށްދިނީ ކްރިސްޓިއަން އެރިކްސަން އެވެ.

ނަތީޖާ އާއެކު ޑެންމާކު އޮތީ މި ގުރޫޕުގެ ދެ ވަނައިގަ އެވެ. އެއީ މިހާތަނަށް އެ ޓީމު ކުޅުނު ހަތަރު މެޗުން ހަތް ޕޮއިންޓު ހޯދައިގެންނެވެ. ޑެންމާކު އަތުން ލިބުނު ޕޮއިންޓާ އެކު ސްވިޒަލެންޑު އޮތީ މި ގުރޫޕުގެ ފުލުގަ އެވެ.