ސީރިއާގެ ބައެއް ސަރަހައްދުތަކަށް އެމެރިކާ އިން ހަމަލާ ދީފި
13 އޮކްޓޯބަރު 2024 | އާދީއްތަ 02:48އެމެރިކާ ސިފައިންގެ ބަޔާނުގައި ބުނެފައިވަނީ ސީރިއާގެ ޓާގެޓްތަކަށް ދިން ހަމަލާ އިން ދެވުނު ގެއްލުންތައް ދެނެގަތުމުގެ މަސައްކަތް ކުރަމުންދާ ކަމުގައި
އެމެރިކާގެ އަސްކަރިއްޔާ އާއި ސީރިއަން ޑިމޮކްރެޓިކް ފޯސަސް (އެސްޑީއެފް) ގެ މެންބަރުންނާ ގުޅިގެން ކުރިއަށްގެންދިޔަ އަސްކަރީ ތަމްރީނެއްގެ މަންޒަރެއް (ފައިލް)
ސީރިއާގެ ބައެއް ސަރަހައްދުތަކަށް އެމެރިކާ އިން ހަމަލާދީފިއެވެ.
މިގޮތުން އެމެރިކާ ސިފައިން ހުކުރު ދުވަހުގެ ދިން ހަމަލާ އަމާޒު ކުރީ ސީރިއާ ގައި ހުންނަ އިސްލާމިކް ސްޓޭޓް (އައިސިސް) ގްރޫޕްގެ ކޭމްޕްތަކަށް ކަމަށް މި ހަމަލާތަކާ ގުޅިގެން ނެރެފައިވާ ބަޔާނުގައި ވަނީ ބުނެފައެވެ.
އެކްސް (ކުރީގެ ޓްވިޓަރ) ގައި ޝާއިޢުކުރި ބަޔާނެއްގައި، އެމެރިކާގެ ސެންޓްރަލް ކޮމާންޑުން ބުނެފައިވަނީ "ސީރިއާގައި ހުރި އައިސިސްގެ ގިނަ ކޭމްޕްތަކަކަށް" އެމެރިކާ ސިފައިން "ވައިގެ ހަމަލާތަކެއް" ދީފައިވާ ކަމަށެވެ.
"މި ހަމަލާތަކުން އެމެރިކާއާއި، އެމެރިކާގެ އެކުވެރިންނާއި ބައިވެރިންނާއި، އަ އަދި މުޅި ސަރަޙައްދުގައި އަދި އޭގެ ބޭރުގައި އުޅޭ އާންމު ރައްޔިތުންނަށް ހަމަލާ ދިނުމަށް އައިސިސް އިން ރާވައި، އިންތިޒާމުކޮށް، ހިންގުމުގެ ޤާބިލުކަން ނައްތާލެވޭނެ،" ކަމަށް އެ ބަޔާނުގައި އިތުރަށް ބުނެފައިވެއެވެ.
އެމެރިކާ ސިފައިންގެ ބަޔާނުގައި ބުނެފައިވަނީ ސީރިއާގެ ޓާގެޓްތަކަށް ދިން ހަމަލާ އިން ދެވުނު ގެއްލުންތައް ދެނެގަތުމުގެ މަސައްކަތް ކުރަމުންދާ ކަމުގައެވެ.
