ގިނަ އަދަދެއްގެ ފައިސާ އާއެކު ކަޅު ބާޒާރުގައި ޑޮލަރުގެ ވިޔަފާރި ކުރަމުންދާ ފަސް ބިދޭސީއަކު އަތުލައިގަނެފި

ކަޅު ބަޒާރުގައި ޑޮލަރު ވިޔަފާރި ކުރަމުންދާ ފަސް ބިދޭސީއަކު އަތުލައިގަތްފި ކަމަށް މޯލްޑިވްސް އިމިގްރޭޝަން އިން ބުނެފިއެވެ.

އިމިގްރޭޝަނުން ބުނީ އެމީހުން އަތުލައިގަތީ ޓާސްކު ފޯސް އަށް ލިބުނު މަޢުލޫމާތެއްގެ އަލީގައި، އިމިގްރޭޝަނާއި ފުލުހުން ގުޅިގެން، ބުރާސްފަތި ދުވަހު ހިންގި ރެއިޑެއްގައި ކަމަށެވެ.

އަތުލައިގަތް މީހުންގެ އަތުން ގިނަ އަދަދެއްގެ ފައިސާ އާއި ޑެބިޓް/ކްރެޑިޓް ކާޑު ފެނިފައިވާ ކަމަށްވެސް އިމިގްރޭޝަނުން ބުންޏެވެ.

މި މައްސަލަ އިތުރަށް ތަހުގީގު ކުރަމުންދާ ކަމަށާއި އަތުލައިގަތް މީހުން އިމިގްރޭޝަން ބެލުމުގެ ދަށުގައި ތިބި ކަމަށް ވެސް އިމިގްރޭޝަނުން ބުނެފައިވެއެވެ.

ދާދިފަހުން އެއަރޕޯޓަށް ފުރަން ދިޔަ ބަންގްލަދޭޝް މީހެއްގެ އަތުންވެސް ގިނަ އަދަދެއްގެ ޑޮލަރު ގަވައިދާ ޚިލާފަށް ރާއްޖެއިން ބޭރުން ކުރަން އުޅެނި ކޮށް ވެލާނާ އިންޓަރނޭޝަނަލް އެއަރޕޯޓުން ވަނީ އަތުލައިގަނެފައެވެ.