މުރައިދޫ ގޭގެ އިސް މަޤާމެއް ދަގަނޑޭ އަށް
ދަގަނޑޭ ހަމަޖައްސާފައި ވަނީ ރައްޔިތުންގެ މަޖިލީހުގެ ރައީސް އަބްދުއް ރަހީމް ޢަބްދުﷲ (އަދުރޭ) ދިރިއުޅުއްވަމުން އަންނަ މުރައިދޫ ގޭގެ ޑިރެކްޓަރ ޖެނަރަލްގެ މަޤާމަށެވެ.
ދަގަނޑޭ ހަމަޖައްސާފައި ވަނީ ރައްޔިތުންގެ މަޖިލީހުގެ ރައީސް އަބްދުއް ރަހީމް ޢަބްދުﷲ (އަދުރޭ) ދިރިއުޅުއްވަމުން އަންނަ މުރައިދޫ ގޭގެ ޑިރެކްޓަރ ޖެނަރަލްގެ މަޤާމަށް
މުރައިދޫ ގޭގެ ޑިރެކްޓަރ ޖެނަރަލް އަކަށް ހަމަޖެއްސި އަލީ އަޝްފާޤު (ދަގަނޑޭ)
ރައްޔިތުންގެ މަޖިލީހުގެ ރައީސްގެ ރަސްމީ ގެކޮޅު، މުރައިދޫ ގޭގެ އިސް މަޤާމަށް އަލީ އަޝްފާޤު (ދަގަނޑޭ) ހަމަޖައްސައިފި އެވެ.
އަޝްފާޤަކީ ރާއްޖޭގައި އުފެދުނު އެންމެ މޮޅު ފުޓުބޯޅަ ކުޅުންތެރިޔާ އެވެ. ޤައުމީ ޓީމުގައި ވެސް އަދި އެކި އެކު ކުލަބުތަކުގައި ވެސް މޮޅު ކުޅުމެއް ދައްކާފައިވާ އަޝްފާޤު ރަސްމީކޮށް ފުޓުބޯޅަ ކުޅުން ހުއްޓާ ނުލަ އެވެ. މި ނޫހަށް މައުލޫމާތު ލިބިފައިވާ ގޮތުގައި، ދަގަނޑޭ ހަމަޖައްސާފައި ވަނީ ރައްޔިތުންގެ މަޖިލީހުގެ ރައީސް އަބްދުއް ރަހީމް ޢަބްދުﷲ (އަދުރޭ) ދިރިއުޅުއްވަމުން އަންނަ މުރައިދޫ ގޭގެ ޑިރެކްޓަރ ޖެނަރަލްގެ މަޤާމަށެވެ.
މިދިޔަ ޖުލައި މަހުން ފެށިގެން ރަސްމީކޮށް ދަގަނޑޭ ވަޒީފާ އަށް ނިކުންނަމުން އަންނައިރު، އޭނާގެ މައިގަނޑު މަސައްކަތަކަށް އޮންނަނީ މަޖިލީހުގެ ރައީސް ޕްރޮޓޮކޯލްގެ ކަންކަން ބެލެހެއްޓުމާއި، އިދާރީ ގޮތުން ބަލަހައްޓަން ޖެހޭ ކަންކަން ބެލެހެއްޓުން ކަމަށް މައުލޫމާތު ލިބިފައިވެ އެވެ.
މުރައިދޫ ގެ އަކީ ރައްޔިތުންގެ މަޖިލީހުގެ ރައީސަކަށް ހުންނަވާ ބޭފުޅަކު ދިރިއުޅުއްވުމަށް ޚާއްސަކޮށްފައިވާ ދެކޮޅެވެ. ރައްޔިތުންގެ މަޖިލީހުގެ ރައީސަކު ރަސްމީކޮށް މުރައިދޫ ގެ ބޭނުން ކުރަން ފެއްޓެވީ 2021 ވަނަ އަހަރު އެވެ. އެއީ އޭރު ރައްޔިތުންގެ މަޖިލީހުގެ ރައީސަކަށް ހުންނެވި، ކުރީގެ ރައީސް މުޙައްމަދު ނަޝީދަށް އަމާޒުކޮށް ދިން ބޮމުގެ ހަމަލާގެ ސަބަބުން، އެމަނިކުފާނުގެ ސަލާމަތީ ކަންކަން ވަރުގަދަ ކުރެއްވުމުގެ ގޮތުންނެވެ. އޭގެ ފަހުން ރައްޔިތުންގެ މަޖިލީހުގެ ރައީސްކަމަށް ވަޑައިގެންނެވި މުޙައްމަދު އަސްލަމް އެ ގެކޮޅު ބޭނުމެއް ނުކުރައްވަ އެވެ.
ވިހި ވަނަ ރައްޔިތުންގެ މަޖިލީހުގެ ރައީސަކަށް އަދުރޭ ވަޑައިގެންނެވުމަށްފަހު، ރަސްމީކޮށް މުރައިދޫ ގެއަށް ބަދަލުވެ ވަޑައިގަތުމުގެ ކުރިން އެ ގެކޮޅު ވަނީ މަރާމާތު ވެސް ކޮށްފަ އެވެ.
