ޕާކިސްތާނުގެ މިނިވަން ދުވަހުގެ މުނާސަބަތުގައި ރައީސް ތަހުނިޔާ ވިދާޅުވެއްޖެ
14 އޯގަސްޓު 2017 | ހޯމަ 09:26ފާހަގަ ކުރަމުން ދަނީ ޕާކިސްތާނުގެ 70 ވަނަ މިނިވަން ދުވަސް
ޕާކިސްތާން އަދި ދިވެހިރާއްޖެ
ޕާކިސްތާނުގެ 70 ވަނަ މިނިވަން ދުވަހުގެ މުނާސަބަތުގައި، އެޤައުމުގެ ރައީސް މަމްނޫން ޙުސައިނަށާއި، ބޮޑު ވަޒީރު ޝާހިދު ޚަޤާން އައްބާސީއަށް، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ތަހުނިޔާ ވިދާޅުވެއްޖެއެވެ.
ޕާކިސްތާނުގެ ރައީސަށް ފޮނުއްވި މެސެޖުގައި، ދިވެހި ސަރުކާރާއި، ރައްޔިތުންނާއި، އަދި އެމަނިކުފާނުގެ އަމިއްލަ ނަންފުޅުގައި، ޕާކިސްތާނުގެ ރައީސަށާއި، ޕާކިސްތާނުގެ ސަރުކާރަށާއި، ރައްޔިތުންނަށް، މިނިވަން ދުވަހުގެ މުނާސަބަތުގައި، ވަރަށް އިޚްލާޞްތެރިކަމާއެކު ރައީސުލްޖުމްހޫރިއްޔާގެ މެސެޖްގައި މަރްޙަބާ ވިދާޅުވެފައި ވެއެވެ.
ރައީސް ޔާމީންގެ މެސެޖުގައި، ރާއްޖެ އާއި، ޕާކިސްތާނާ ދެޤައުމުގެ ދެމެދު އޮތް ގާތް އަޚުވަންތަ ގުޅުން ކުރިއަށް އޮތް ތާނގައި އިތުރަށް ބަދަހިވެގެންދާނެ ކަމަށް އުއްމީދު ކުރައްވާ ކަމުގައި ވިދާޅުވެފައި ވެއެވެ. އަދި ޕާކިސްތާނުގެ ރައްޔިތުންނަށް ފާގަތި، އުފާވެރި މުސްތަޤްބަލަކަށް އެދިވަޑައިގެންނަވާ ކަމަށް ރައީސްގެ މެސެޖުގައި ވިދާޅުވެފައި ވެއެވެ.
