މާލެ އަތޮޅުން އައްޑޫ އަށް ބޯކޮށް ވާރޭވެހޭނެ
މި ސަހަރަހައްދުގައި ގަޑިއަކު 40 މޭލަށް ވައި ގަދަވާނެ ކަމަށް ވެސް މޫސުމާ ބެހޭ އޮފީހުން ވަނީ ބުނެފަ
ވިއްސާރަވެ، މަގުތަކުގައި ފެންބޮޑުވުމުގެ ސަބަބުން ޕަންޕު ޖަހައިގެން ފެން ހިއްކަނީ
އަންގާރަ ދުވަހު މާލެ އަތޮޅުން ފެށިގެން އައްޑޫ ސިޓީ އަށް ބޯކޮށް ވާރޭ ވެހޭނެ ކަމަށް މޫސުމާ ބެހޭ އޮފީހުން ބުނެފިއެވެ.
މި ސަހަރަހައްދުގައި ގަޑިއަކު 40 މޭލަށް ވައި ގަދަވާނެ ކަމަށް ވެސް މޫސުމާ ބެހޭ އޮފީހުން ވަނީ ބުނެފައެވެ.
މި ސަރަހައްދަށް މިރޭ 12:00 އާ ހަމަ އަށް ހުދު ސަމާލު ވަނީ ނެރެފައެވެ.
އަނެއްކޮޅުން ހއ. އަތޮޅުން ފެށިގެން މާލެ އަތޮޅާ ދެމެދު ގެ މޫސުން ވެސް ރަނގަޅު ނުވާކަން މޫސުމާ ބެހޭ އޮފީހުން ފާހަގަ ކޮށް ހުދު ސަމާލު ވަނީ ނެރެފައެވެ.
މި ސަރަހައްދުގައި ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައި ޖެހޭނެ ކަމަށާއި ކަނޑުތައް ގަދަވާނެ ކަމަށްވެސް މޯލްޑިވްސް މީޓިއޮރޮލޮޖީން ބުނެފައިވެއެވެ.
