އައު ސީޒަންގެ އިޓާލިއަން ލީގުގައި ނަޕޯލީން ކުޅުނު ފުރަތަމަ މެޗުން އެ ޓީމު ބަލިވެއްޖެ އެވެ.
އާދިއްތަ ދުވަހުގެ ރޭ ލީގުގެ ފުރަތަމަ މެޗުގައި ނަޕޯލީ ނިކުތީ ހެލާސް ވެރޮނާއާ ދެކޮޅަށެވެ. ހެލާސް ވެރޮނާގެ އަމިއްލަ ދަނޑުގައި ކުޅުނު މެޗުން ނަޕޯލީ ބަލިވީ 3-0 އިންނެވެ. މެޗުގައި އެ ޓީމުން ލަނޑުތައް ޖެހީ ފަހު ހާފުގަ އެވެ.
ދެ ވަނަ ހާފު ފަށައިގެން ފަސް ވަނަ މިނެޓުގައި ހެލާސް ވެރޮނާ އަށް ލީޑު ނަގައިދިނީ ޑައިލޮން ރޮޗާ ލިވްރަމެންޓޯ އެވެ. އޭގެ ފަހުން މެޗުގެ 75 ވަނަ މިނެޓުގައި އެ ޓީމުން ވަނީ ދެ ވަނަ ލަނޑެއް ޖަހައި ލީޑު ފުޅާ ކޮށްފަ އެވެ. އެ ލަނޑު އެ ޓީމަށް ޖަހައިދިނީ ޑެނިއެލް މޮސްކުއެރާ އެވެ. މެޗުގައި ނަޕޯލީގެ ތިން ވަނަ ލަނޑު މޮސްކުއެރާ ޖެހީ މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގަ އެވެ.
މިއަހަރުގެ ޖޫން މަހު ނަޕޯލީގެ ކޯޗުކަމާ ހަވާލުވި އެންޓޯނިއޯ ކޮންޓޭގެ އިރުޝާދުގެ ދަށުން ލީގުގައި ކުޅުނު ފުރަތަމަ މެޗުން އެ ޓީމު ބަލިވެފައިވާއިރު، ދެ ވަނަ މެޗުގައި ނަޕޯލީ ނިކުންނާނީ އަމިއްލަ ދަނޑުގައި ބޮލޮގްނާއާ ދެކޮޅަށެވެ.
