ގްރޫޕްގެ އެއްވަނަ ޖޯލިބީން އަށް

ގްރޫޕް އޭގެ އެއްވަނަ ޓީމްގެ ގޮތުގައި އިތާ އިންޓަރ ރިސޯރޓް ވޮލީބޯޅަ މުބާރާތުގެ ސެމީފައިނަލުން ޖޯލިބީން ޖާގަ ހޯދައިފި އެވެ.

ޖޯލިބީން ގްރޫޕްގެ އެއްވަނަ ޔަގީންކުރީ ގްރޫޕް ސްޓޭޖްގެ ފަހު މެޗުގައި އިންޓަރކޮންޓިނެންޓަލް މޯލްޑިވްސް މާމުނަގާ ރިސޯރޓް ސީދާ ތިން ސެޓުން ބަލިކޮށްގެންނެވެ. ޖޯލިބީން މެޗުގެ ސެޓްތައް ގެންދިޔައީ 25-08, 25-17, 25-25 ނެވެ. މެޗުގެ މޮޅު ކުޅުންތެރިއަކީ ޖޯލި ބީން ބޮޑުފުށީގެ ސާޖިދު ރަޝީދު އެވެ. ޖޯލިބީން މުބާރާތުގައި ވާދަކުރަނީ ގައުމީ ވޮލީޓީމްގެ ކުރީގެ ކޯޗު މުޙައްމަދު ޝަރަފްގެ އިރުޝާދުގެ ދަށުންނެވެ. މައުލޫމާތު ލިބިފައިވާ ގޮތުން މިމުބާރާތަށްފަހު އޭނާ އަނެއްކާވެސް ގައުމީ ޓީމާ ހަވާލުވާނެ އެވެ.

މެޗުން މާމުނަގާ ބަލިވުމުން, ގްރޫޕްގެ ދެވަނަ ޓީމްގެ ގޮތުގައި ސެމީފައިނަލްގެ ޖާގަ ލިބުނީ ކުޑަފުއްޓަށެވެ. ކުޑަފުށި ސްޓޭޖްގައި ބަލިވީ ހަމައެކަނި ޖޯލިބީން އަތުންނެވެ. އެއީވެސް ވާދަވެރި މެޗަކަށްފަހު 3-2 ސެޓުންނެވެ. ގްރޫޕް ސްޓޭޖް ފަހު މެޗުގައި ހޯމަ ދުވަހުގެރޭ ވާދަކުރާނީ ޖޯލި މޯލްޑިވްސް އާއި ރީތިފަރެވެ.

މިއީ ރ.މީދޫ އެކުވެރި ކްލަބުން އެއަތޮޅުގެ ރިސޯރޓްތަކުގެ މެދުގައި މީދޫގައި ކުރިއަށް ގެންދާ މުބާރާތެކެވެ. މުބާރާތުގައި 8 ރިސޯރޓުން ވާދަކުރެއެވެ.