ހއ. މޮޅަދޫ އަދި ހުޅުމާލެ މެދު ދާއިރާގެ ނައިބު ރައީސް އިންތިޚާބު އަލުން ބޭއްވުމަށް ނިންމައިފި
ވޯޓުލުން އޮންނާނީ 16 އޮގަސްޓް 2024 ވާ ހުކުރު ދުވަހުގެ މެންދުރުފަހު 2:30ން 6:00ށް
އެމްޑީޕީގެ ދާއިރާތަކުގެ ބައި-އިލެކްޝަންގެ ތެރެއިން
ހއ. މޮޅަދޫ އަދި ހުޅުމާލެ މެދު ދާއިރާގެ ނައިބު ރައީސް އިންތިޚާބު އަލުން ބޭއްވުމަށް ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ)އިން ނިންމައިފިއެވެ.
އެމްޑީޕީން ބުނީ 02 އޮގަސްޓް 2024 ގައި ބޭއްވުނު ގައުމީ މަޖިލިސް އިންތިޚާބުގައި ހއ. އިހަވަންދޫ ދާއިރާގެ، ހއ. މޮޅަދޫ އަދި ހުޅުމާލެ މެދު ދާއިރާގެ ނައިބު ރައީސް އިންތިޚާބު ވޯޓާއި ގުޅޭ ޝަކުވާތައް، ޝަކުވާ ހުށަހަޅާ ކޮމިޓީން ބެލުމަށްފަހު ދީފައިވާ ލަފައަށް އިންތިޚާބާ ބެހޭ ކޮމިޓީން ރިއާޔަތް ކުރުމަށްފަހު އިންތިޚާބާ ބެހޭ ކޮމިޓީން އެ ދާއިރާގެ ވޯޓު އަލުން ނެގުމަށް ނިންމާފައިވާ ކަމަށެވެ.
އެ ވޯޓުލުން އޮންނާނީ 16 އޮގަސްޓް 2024 ވާ ހުކުރު ދުވަހުގެ މެންދުރުފަހު 2:30ން 6:00އަށެވެ.
އެގޮތުން ވޯޓުލުން އޮންނާނީ ހއ. މޮޅަދޫ އެމްޑީޕީ ހަރުގޭގައެވެ. އަދި ހުޅުމާލެ މެދު ދާއިރާގެ ނައިބު ރައީސް އިންތިޚާބު އޮންނާނީ ހުޅުމާލެ މުހަައްމަދު ޤާސިމް ޕްރީ ސްކޫލުގައެވެ.
ހއ. މޮޅަދޫ އަދި ހުޅުމާލެ މެދު ދާއިރާގެ ނައިބު ރައީސް އިންތިޚާބު އަލުން ބޭއްވުމަށް ނިންމާފައިވާއިރު، އެމްޑީޕީގެ ގައުމީ މަޖިލީހުގެ ބައި-އިލެކްޝަންގެ ވޯޓުލުން ފުރަތަމަ ކުރިއަށް ގެންގޮސްފައިވަނީ 2 އޮގަސްޓް 2024 ގައެވެ.
