ފަލަސްތީނަށް އެހީވުމަށް ބޭއްވި ޓެލެތޯނުން ލިބުނު 19 މިލިއަން ރުފިޔާގެ ރަމްޒީ ޗެކް ފޮރިން މިނިސްޓްރީއާ ޙަވާލުކޮށްފި
3 ޖުލައި 2024 | ބުދަ 12:2619،186،851.5 ރުފިޔާ ލިބިފައިވޭ
ފަލަސްތީނުގެ ރައްޔިތުންނަށް އެހީވުމަށް ބޭއްވި ޚާއްސަ ޓެލެތޯނުގެ ފައިސާ ޙަވާލު ކުރައްވަނީ
ފަލަސްތީނުގެ ރައްޔިތުންނަށް އެހީވުމަށް ގައުމީ ފެންވަރުގައި ބޭއްވި ޚާއްސަ ޓެލެތޯން 'ފަލަސްތީނާއެކު ދިވެހީން' އިން ލިބުނު ފައިސާ ފޮރިން މިނިސްޓްރީއާ ޙަވާލުކޮށްފިއެވެ.
މި ޓެލެތޯނުން ލިބުނު 19،186،851.5 ރުފިޔާ (ނަވާރަ މިލިއަން އެއްލައްކަ އައްޑިހަ ހަހާސް އަށްސަތޭކަ ފަންސާސް އެއް ރުފިޔާ ފަންސާސް ލާރި) ގެ ރަމްޒީ ޗެކް ޚާރިޖީ ވުޒާރާއާ ހަވާލުކޮށްފައިވަނީ ބުދަ ދުވަހު އެކަމަށްޓަކައި ބޭއްވި ޚާއްސަ ރަސްމިއްޔާތެއްގައެވެ.
މި ފައިސާ ފަލަސްތީނަށް ފޯރުކޮށްދޭނީ ފަލަސްތީނަށް އެހީވުމަށް އުފައްދާފައިވާ ޔުނައިޓެޑް ނޭޝަންސް ރިލީފް އެންޑް ވޯކްސް އެޖެންސީ ފޮރ ފަލަސްތީން ރެފިއުޖީސް "އަންރުވާ" މެދުވެރިކޮށެވެ. މިއީ ފަލަސްތީނަށް އެހީވުމަށް އުފައްދާފައިވާ އދ ގެ ޖަމިއްޔާއެކެވެ.
ފޮރިން މިނިސްޓްރީން ބުނީ، މި ފައިސާ އަންރުވާއަށް ހަވާލުކުރުމަށްފަހު އެކަން ޕީއެސްއެމްގެ އިތުރުން، މި މަސައްކަތް ކުރި އޮޑިޓަރުންނާއި ހިއްސާކޮށް، އެ މައުލޫމާތު އާންމު ކުރައްވާނެ ކަމަށެވެ.
