މާލެ މަތިން އިވުނު ބާރުގަދަ އަޑުފަށްގަނޑު - އިޓަލީގެ އަސްކަރީ 5 އުޅަނދެއް ވީއައިއޭއަށް ޖައްސައިފި
ވީއައިއޭގައި ޖައްސާފައިވަނީ އަސްކަރީ 4 ޖެޓާއި މަތިންދާބޯޓެއް
ވެލާނާ އިންޓަރނޭޝަނަލް އެއަރޕޯޓުގައި ޖެއްސި އިޓަލީގެ އަސްކަރީ އުޅަނދުތައް
އަންގާރަ ދުވަހުގެ މެންދުރު މާލެ މަތިން އިވުނު ބާރުގަދަ އަޑުފައްގަނޑަކީ އިޓަލީގެ އަސްކަރިއްޔާގެ 5 އުޅަނދެއް ވެލާނާ އިންޓަރނޭޝަނަލް އެއަރޕޯޓަށް ޖައްސަން އައި އަޑުފަށްގަނޑު ކަމަށް އެމްއެންޑީއެފުން ބުނެފިއެވެ.
މެންދުރު ފަހު 3:15 ހާއިރު މާލެ މަތިން ބާރުގަދަ އަޑުފަށްގަނޑެއް އިވިފައިވެއެވެ. އަދި އެއީ ހުއްދަ ހޯދައިގެން ވެލާނާ އިންޓަރނޭޝަނަލް އެއަރޕޯޓަށް ޖެއްސި އިޓަލީގެ އަސްކަރީ 4 އުޅަނދުގެ އަޑުފައްގަނޑުކަމަށް އެމްއެންޑީއެފުން ބުނެއެއެވެ. އެމްއެންޑީއެފުން ބުނީ މި އުޅަނދުތަކަކީ ނަގަންޖެހޭ ހުއްދަތައް ނަގައިގެން ލޮޖިސްޓިކް ބޭނުމަށް ވީއައިއޭގައި ޖެއްސި އުޅަނދުތަކެއް ކަމަށެވެ.
މައުލޫމާތު ލިބިފައިވާ ގޮތުގައި ވީއައިއޭގައި ޖައްސާފައިވަނީ އަސްކަރީ 4 ޖެޓާއި މަތިންދާބޯޓެކެވެ.
އޭވިއޭޓަރ މޯލްޑިވްސްއިން އެކްސްގައި ކުރި ޕޯސްޓޫގައި ބުނެފައިވަނީ އަސްކަރީ އުޅަނދުތައް ވީއައިއޭގައި ޖައްސާފައިވަނީ ޓްރާންސިޓްވުމަށް ކަމަށެވެ.
