ފަރުކޮޅުފުށީގައި އެޗްޑީސީގެ ލިޔެކިޔުންތައް ރައްކައު ކޮށްފައި ހުންނަ އިމާރާތެއްގައި ރޯވެ އަނދަނީ
14 ނޮވެމްބަރު 2025 | ހުކުރު 08:43ފަރުކޮޅުފުށީގައި ހުރި އިމާރާތެއްގައި އަލިފާން ރޯވެގެން ރިޕޯޓް ލިބުނީ ހުކުރު ދުވަހު މެންދުރު 1:00 ގައި
ފަރުކޮޅުފުށީ އިމާރާތެއްގައި ރޯވެގެން ނިއްވާލުމުގެ މަސައްކަތް ކުރަނީ
ފަރުކޮޅުފުށީ އިމާރާތެއްގައި ހުކުރު ދުވަހު ރޯވެ އަނދަމުންދާ ކަމަށް އެމްއެންޑީއެފް އިން ބުނެފި އެވެ.
އެމްއެންޑީއެފް އިން ބުނީ ފަރުކޮޅުފުށީގައި ހުރި އިމާރާތެއްގައި އަލިފާން ރޯވެގެން، އަލިފާން ނިއްވުމުގައި އެމްއެންޑީއެފް މާލެ އޭރިއާ ކޮމާންޑް، ހުޅުމާލޭ ފަޔަރ ސްޓޭޝަނުގެ ފަަޔަރފައިޓަރުން ހަރަކާތްތެރިވަމުންދާ ކަމަށެވެ. އަދި މި ހާދިސާގެ މަޢުލޫމާތު ލިބިފައިވަނީ މެންދުރު 1:00 ގައި ކަމަށް އެމްއެންޑީ އެފް އިން ބުނެ އެވެ.
އެމްއެންޑީއެފް އިން ފަރުކޮޅުފުށީ އިމާރާތެއްގައި ރޯވި އަލިފާން ނިއްވުމުގެ މަސައްކަތް ކުރަމުން އަންނަ އިރު މައުލޫމާތު ލިބެނީ ރޯވެގެން އުޅެނީ އެކަމަޑޭޝަން ބްލޮކެއްގަ އެވެ.
ހުޅުމާލެ ފޭސް 3 ސަރަހައްދުގައި އޮންނަ ފަރުކޮޅުފުށީ އިމާރާތެއްގައި ރޯވެ އަނދަމުންދާ އިރު، ހައުސިންގ ޑިވަލަޕްމަންޓް ކޯޕަރޭޝަންގެ މުހިންމު ބައެއް ލިޔެކިޔުންތައް އެތަނުގައި ރައްކާ ކޮށްފައި ހުންނަ ކަމަށް މައުލޫމާތު ލިބެއެވެ.
