ކޮތަޅު ފީއާއި ޓެކްސްއާއި ދެންވެސް ވެރިކަމަށް އަންނަންވެގެން ނުކުރާނަމޭ ބުނި ހުރިހާކަމެއް މި ސަރުކާރުން ކުރާނެ - ފައްޔާޒު
ރައްޔިތުންގެ އިހުސާސްތަކާއި ޝުއޫރުތަކާއި ކުޅެންވެގެން ހެއްދެވީ ދޮގު
އެމްޑީޕީގެ ޗެއަރޕާސަން ފައްޔާޒު އިސްމާއިލް ރާއްޖެޓީވީގެ ފަލަސުރުހީ ޕްރޮގްރާމުގައި
ޕްލާސްޓިކް ކޮތަޅުން ނަގަމުން އަދި 2 ރުފިޔާއާއި، ޓެކްސްގެ ވާހަކަ ދައްކައިގެން މި ސަރުކާރު ވެރިކަމަށް އައިސް އެއިން ކަމެއް ނުކުރާނަމޭ ބުނި ނަމަވެސް، އެ ހުރިހާކަމެއް މި ސަރުކާރުން ކުރާނެކަމަށް އެމްޑީޕީގެ ޗެއަރޕާސަން ފައްޔާޒް އިސްމާއިލް ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމުގައި ވާހަކަ ދައްކަވަމުން ފައްޔާޒް ވިދާޅުވީ މި ސަރުކާރަށް ކަންކަން މެނޭޖް ނުކުރެވިގެން ގޮސް މިއަދާ ހިސާބަށް ކަންކަން ބޮއްސުންލައިފި ކަމަށެވެ. ރައީސް މުއިއްޒު ވެރިކަމަށް ވަޑައިގެން އިންޑިއާއާ ހެދި އިސްތިގުލާލަށް އަސަރު ކުރާކަމަށް ވިދާޅުވަމުން ގެންދެވި ކަމަށާއި، މިހާރު ހާހުން ތިބި އިންޑިއާ ސިފައިން ނެތްކަމަށް ވިދާޅުވަމުން ގެންދަވާ ކަމަށެވެ.
ފައްޔާޒު ވިދާޅުވީ މިއަދުގެ ރައީސް ރައްޔިތުންގެ އިހުސާސްތަކާއި ޝުއޫރުތަކާއި ކުޅެންވެގެން ހެއްދެވީ ދޮގު ކަމަށާއިި ނުވަތަ މިހާރު ދޮގު ހައްދަވަނީ އިންޑިއާ ސިފައިން ނެތްކަމަށް ވިދާޅުވެ ކަމަށެވެ.
ފައްޔާޒް ވިދާޅުވީ ވެރިކަމަށް ވަޑައިގަތުމުގެ ކުރިންވެސް ބައެއް ކަހަލަ ކަންތައްތަކަކީ ކުރަންޖެހޭ ކަންކަން ކަމުގައި އެބޭފުޅުންނަށް ވެސް އެނގެން ޖެހޭނެ ކަމަށާއި، އެމްޑީޕީން އެކަންކަން ކުރީމާ ބޮޑު ގޯހެއްކަމަށް ފާފައެއްކަމަށް ދައްކާ ވެރިކަމަށް އައިސް ކުރައްވަނީ ހަމަ އެކަންތައް ކަމަށެވެ.
އިހްލާސްޔެރިކަން ނެތުމަކީ ވަރަށް ބޮޑު ބިރުވެރިކަމެއް ކަމަށް ފައްޔާޒު ވިދާޅުވިއެވެ.
