އާންމު އިޖުތިމާއީ މިންގަނޑާ ޚިލާފަށް ހެދުން އަޅައިގެން ޓިކްޓޮކް ވީޑިއޯ އާންމުކުރަމުން ދިޔަ މުހައްމަދު ނަބީލްގެ މައްޗަށް ދައުވާ ކުރަން ފޮނުވުމަށް މަޝްވަރާ ކުރަމުންދާކަމަށް ފުލުހުން ބުނެފިއެވެ.
ރާއްޖެއެމްވީން ސުވާލު ކޮށްލުމުން ފުލުހުންގެ މީޑިއާ އޮފިޝަލު ވިދާޅުވީ، ބަންދުގައި ބެހެއްޓުމަށްފަހު ޖޫން މަހުގެ 4 ވަނަ ދުވަހު އޭނާދޫކޮށްލާފައިވާކަމަށެވެ.
Advertisement
އަދި މި މައްސަލައިގެ ތަހުގީގު ނިންމައި ދައުވާކުރަން ފޮނުވުމަށް ޕްރޮސެކިއުޓަރ ޖެނެރަލްގެ އޮފީހާއެކު މަޝްވަރާ ކުރެވެމުންދާކަމަށްވެސް އޭނާ ވިދާޅުވިއެވެ.
މިހާރު އޭނާ ދޫކޮށްލާފައިވާއިރު، އޭނާ ގެންދަނީ ޓިކްޓޮކް މެދުވެރިކޮށް ލައިވް ޕްލެޓްފޯމްތަކުގައި އޭނާއަކީ އަންހެން ހެދުން އެޅުމަށް އަބަދުވެސް ޝައުޤުވެރިކަން ހުންނަ މީހެއްކަމަށް ބުނަމުންނެވެ.
