ނޭޕާލު މީހަކު ރަހީނުކުރި މައްސަލައިގައި ހައްޔަރުކުރި ދެ ބިދޭސީންގެ ބަންދުގެ މުއްދަތު އިތުރުކޮށްފި
20 ޖޫން 2024 | ބުރާސްފަތި 14:37މި މައްސަލައާއި ގުޅިގެން ބަންގްލަދޭޝްގެ ދެ ފިރިހެނަކު ވަނީ ހައްޔަރުކޮށްފައި
ފުލުހުންގެ މައި އިދާރާ
ނޭޕާލު ފިރިހެނަކު ރަހީނު ކުރި ބަންގްލަދޭޝް 2 މީހުންގެ ބަންދުގެ މުއްދަތު އިތުރުކޮށްފިއެވެ.
ރަހީނުކުރުމުގެ މި ހާދިސާ ހިނގާފައިވަނީ މާލޭގައެވެ. ފުލުހުން ބުނެފައިވަނީ މާފަންނު ގެސްޓްހައުސް އެއްގައި ނޭޕާލު މީހަކު ބަންދުކޮށްގެން ގެންގުޅޭކަމުގެ ރިޕޯޓް ލިބިގެން ގެސްޓްހައުސްގައި ފުލުހުން ހަރަކާތްތެރިވި ކަމަށެވެ.
ބަންދުކޮށްގެން ގެންގުޅުނު މީހާ ސަލާމަތްކޮށްފައިވާ އިރު އެއީ ފިރިހެނެއް ކަމަށާއި، އެމީހާގެ ހާލު ރަނގަޅުކަމަށް ފުލުހުން ބުނެއެވެ. މި މައްސަލަ ފުލުހުން އަންނަނީ ތަހުގީގު ކުރަމުންނެވެ.
މި މައްސަލައާއި ގުޅިގެން ބަންގްލަދޭޝްގެ ދެ ފިރިހެނަކު ވަނީ ހައްޔަރުކޮށްފައެވެ.
މައްސަލައިގެ ތުހުމަތުގައި ބުނެފައިވަނީ ހުއްދަނޫން ގޮތުގައި މީހުން ހިފެހެއްޓުމެވެ. އަދި ބަންދުގައި ބަހައްޓަން އަމުރުކޮށްފައިވަނީ ކަސްޓޯޑިއަލް ޖަލެއްގައެވެ.
