އަމާޒަކީ މި ވަގުތު ހުޅުމާލެ ކަންނެލި ޖެޓީ ސަރަހައްދަށް ދިމާވާ މައްސަލަ ހަފްތާ އެއްހާ ދުވަސްތެރޭގައި ހައްލުކުރުން - ޝިޔާމް
ހުޅުމާލެ ކަންނެލި ޖެޓީ މުދާ އުފުލާ ދޯނިތަކުންވެސް އެސަރަހައްދު ބޭނުންކުރުމަކީ މަސްވެރިންގެ ކަންބޮޑުވުމެއް
މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙްމަދު ޝިޔާމް
އަމާޒަކީ މި ވަގުތު ހުޅުމާލެ ކަންނެލި ޖެޓީ ސަރަހައްދަށް ދިމާވާ މައްސަލަ ހަފްތާ އެއްހާ ދުވަސްތެރޭގައި ހައްލުކުރުން ކަމަށް މަސްވެރިކަމާއި ކަނޑުގެ ވަޞީލަތްތަކާއި ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.
ރާއްޖެއެމްވީ އަށް މައުލޫމާތުދެއްވަމުން ޝިޔާމް ވިދާޅުވީ ހުޅުމާލޭ ކަންނެލި ޖެޓީއާއި ގުޅިގެން ހުރި ކަންބޮޑުވުންތައް ޙައްލުކުރުމަށް ހައުސިންގ ޑިވެލޮޕްމަންޓް ކޯޕަރޭޝަން އެޗްޑީސީއާއެކު މަސައްކަތްކުރަމުންދާކަމަށެވެ.
އަދި ހުޅުމާލޭ ކަންނެލި ޖެޓީއާއި ގުޅިގެން މަސްވެރިންގެ ޝަކުވާތައް ހިއްސާކޮށްފައިވާ ކަމަށާއި މަސްވެރިންގެ އެފަދަ ޝަކުވާތައް އަދުވެސް އަޑު އައްސަވާނެ ކަމަށް އެ މަނިކުފާނު ވަނީ ވިދާޅުވެފައެވެ.
ޝިޔާމް ވަނީ ބޮޑު ކަންނެލި މަސްވެރިންގެ ޔޫނިއަންއިނުން ވެސް މި މައްސަލައިގައި ކަންބޮޑުވާ ހިއްސާ ކުރިކަމަށް ވިދާޅުވެފައެވެ.
ބޯހިޔާވަހިކަމުގެ މައްސަލައަށް ޙައްލު ގެނައުމަށް ހުޅުމާލޭ މާސްޓަރ ޕްލޭންގައި އޮތް ޔޮޓްމެރީނާ ތަރައްޤީކުރާ ސަރަޙައްދު ހިއްކުމުގެ މަސައްކަތް ކުރީ ސަރުކާރުން ފެއްޓެވީ މިދިޔަ އަހަރުގެ ސެޕްޓެމްބަރު މަހުގެ ތެރޭގައެވެ. މިގޮތުން ހުޅުމާލޭ ފަޅުތެރެއިން 63 ހެކްޓަރުގެ ބިން ހިއްކުމަށްވަނީ ހަމަޖެހިފައެވެ.
ޅުމާލެ ކަންނެލި ޖެޓީ މުދާ އުފުލާ ދޯނިތަކުންވެސް އެސަރަޙައްދު ބޭނުންކުރުން ކުރުމަކީ މަސްވެރިންގެ ކަންބޮޑުވުމެކެވެ.
