ނާޒިލް ޕީއެންސީ މެންބަރުންނަށް "އިޒްރޭލު ޕާސްޕޯޓާއި ގުޅިގެން ތެދުވެ ވާހަކަދައްކަވާކަށް ނުކުރޭނެ، މިއަދު ފޮށާ ގެއްލިއްޖެ"
ޕީއެންސީގައި ތިބީ ސަރުކާރުން އެދުނު ހުރިހާ ގޮތަކަށް ކަންތައް ކުރަން އެ ސްޓޭމްޕު ހިފައިގެން ތިބި މެންބަރުން
ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް
އިޒްރޭލު ޕާސްޕޯޓާއި ގުޅިގެން ޕީއެންސީގެ މެންބަރުންނަށް ތެދުވެ ވާހަކަ ދައްކަން ނުކުރޭނެ ކަމަށާއި، ބޮލާއި ކަރުގައި އެޅި ހުދު ފޮށާ ގެއްލި ސަރުކާރާއި ރައީސް އޮފީހުން އެގޮތަށް އަންގާފައިވާ ކަމަށް ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ވިދާޅުވެއްޖެއެވެ.
އިޒްރޭލު ޕާސްޕޯޓުގައި ރާއްޖެ އެތެރެވުން މަނާކުރުމަށް ހުށަހެޅިފައިވާ ބިލަށް ބަހުސްކުރައްވަމުން ނާޒިލް ވިދާޅުވީ މިއަދު ފެނިގެން ދަނީ އިޒުރޭލުގެ ލާއިންސާނީ ޢަމަލުތަކާ ދެކޮޅަށް މަޖިލީހުގެ ސުޕަރ މެޖޯރިޓީން އެއްޗެކޭ ބުނަންނުކުރޭ މަންޒަރު ކަމަށެވެ. އަދި މަޖިލީހުގެ ތެރޭގައި ތިބީ ސަރުކާރުން އެދުނު ހުރިހާ ގޮތަކަށް ކަންތައް ކުރަން އެ ސްޓޭމްޕު ހިފައިގެން ތިބި މެންބަރުންކަން ބަހުސްކުރަން އެދުނު މެންބަރުންނަށް ބަލާލުމުން ސާފުކޮށް ފެންނަ ކަމަށެވެ.
ނާޒިލް ވިދާޅުވީ ޕީއެންސީ ބޭފުޅަކަށް މިއަދު މިތާ ތެދުވެ ވާހަކަދައްކަވާކަށް އެ ބޭފުޅުންނަކަށް ނުކުރޭނެ ކަމަށާއި، ސަރުކާރުން، ނޫނީ ރައީސުލްޖުމްހޫރިއްޔާ ހިސާބުން އައިއްސަ އޮތީ އެގޮތަށް އަމަލުކުރުމަށް ކަމަށެވެ.
ނާޒިލް ވިދާޅުވީ މައްސަލަ ފޮނުވާނެ ކޮމިޓީ މަޖިލީހުގެ ރައީސްއަށްވެސް ނިންމޭނެ ކަމަށެވެ. އަދި އެއީ މެންބަރުން ހުށަހަޅައިގެން ތާއިދުކޮށްގެން ކޮމިޓީއަކަށް ފޮނުވަންޖެހޭ މައްސަލައެއް ނޫން ކަމަށާއި، މިއީ އެކަން ކުރަންޖެހޭ ގޮތެއް ނޫން ކަމަށެވެ.
މެންބަރު ނާޒިލް ވިދާޅުވީ އެމްޑީޕީގެ މެންބަރުންނަށް އެ ވާހަކަ ދެއްކޭނެ ކަމަށާއި، އެއީ އެމްޑީޕީގެ މެންބަރުންގެ އެ އިހްލާސްތެރިކަން އެބަހުރި ކަމަށެވެ.
