ވެމްކޯއާއި ގުޅޭގޮތުން ސޯޝަލް މީޑިއާގައި ފެތުރެނީ ދޮގު މައުލޫމާތެއް: ފުލުހުން
މެމްކޯއޭ ބުނެ ފަތުރަމުން ދަނީ ދޮގު މައުލޫމާތެއް
ވެމްކޯގެ މުވައްޒަފުން ކުނިއުކާލުމަށް ގޭބިސީތައް ރަޖިސްޓްރީ ކުރުމަށް އެހީތެރިވަނީ
ވެމްކޯއާއި ގުޅޭގޮތުން ސޯޝަލް މީޑިއާގައި ފެތުރެނީ ދޮގު މައުލޫމާތެއްކަމަށް ފުލުހުން ބުނެފިއެވެ.
ކުނި މެނޭޖްކުރުމަށް ސަރުކާރުން އުފެއްދި ވޭސްޓް މެނޭޖްމެންޓް ކޯޕަރޭޝަންގެ ނަމުގައި ސޯޝަލް މީޑިއާގައި ދައުރުވަމުންދާ ވާހަކަ ތަކާއި ގުޅިގެން ފުލުހުން ކޮށްފައިވާ ޓްވީޓެއްގައި ބުނީ، ވެމްކޯއާއި ގުޅިގެން ސޯޝަލް މީޑިއާގައި ހިއްސާ ކުރަމުންދަނީ، ހަގީގަތާއި ޚިލާފު މެސެޖް ތަކެއްކަމަށެވެ.
ސޯޝަލް މީޑިއާގައި މެވްކޯއާއި ގުޅޭގޮތުން ދައުރުވަމުންދާ މެސެޖްގައި ބުނެފައިވަނީ، ވެމްކޯގެ މުވައްޒަފުން ކަމަށް ކަމަށް ބުނެ ގޭގެއަށް ގޮސް ވަޅިން ބިރު ދައްކާ ވައްކަން ކުރުމުގެ އަމަލުތައް ބަޔަކު ހިންގަމުންދާ ކަމަށެވެ.
ފުލުހުން ބުނީ އެފަދަ އެއްވެސް ކަމެއް ހިނގައިގެން އަދި އެއްވެސް ފަރާތަކުން ރިޕޯޓްކޮށްފައި ނުވާކަމަށެވެ.
