މަޖިލީހުގެ ރައީސާއި ނައިބު ރައީސް ހޮވާ ޖަލްސާގެ ރިޔާސަތުގައި އިންނަވާނީ ސިޔާމް
މި މަޖިލީހުގެ ބޮޑު މެޖޯރިޓީ އެއް ހިއްސާކުރަނީ ސަރުކާރު ހިންގާ ޕީއެންސީގެ މެމްބަރުން
މީދޫ ދާއިރާގެ އިންތިޚާބީ މެންބަރު އަހުމަދު ސިޔާމް މުޙައްމަދު
20 ވަނަ ރައްޔިތުންގެ މަޖިލީހުގެ ރައީސާއި ނައިބު ރައީސް ހޮވުމަށް ބާއްވާ ޖަލްސާގެ ރިޔާސަތު ބަލަހައްޓަވާނީ މީދޫ ދާއިރާގެ އިންތިޚާބީ މެންބަރު އަހުމަދު ސިޔާމް މުޙައްމަދު ކަމަށް މަޖިލީހުން ބުނެފިއެވެ.
މިމަހުގެ 28 ވަނަ ދުވަހު މަޖިލީހުގެ ރައީސާއި ނައިބު ހޮވުމަށް ބާއްވާ ޖަލްސާ ބާއްވަމް ތާވަލްކޮށްފައި ވަނީ މި މަހުގެ 28 ވަނަ ދުވަހުއެވެ.އެ ޖަލްސާ އޮންނާނީ 20 ވަނަ މަޖިލީހުގެ މެންބަރުން ހުވާ ކުރުމުގެ ރަސްމިއްޔާތަށްފަހުއެވެ. ރައްޔިތުންގެ މަޖިލީހަށް އަލަށް އިންތިޚާބުވެފައިވާ މެންބަރުން ހުވާ ކުރުމުގެ ރަސްމިއްޔާތު ބާއްވަން ހަމަޖެހިފައި ވަނީ އަންނަ އަންގާރަ ދުވަހުގެ ހެނދުނު 9:00 ގައެވެ. މަޖިލީހުގެ ރައީސާއި ނައިބު ރައީސް ހޮވާ ޖަލްސާ އޮންނާނީ އެ ދުވަހުގެ ހެނދުނު 10:15ގައި ކަމަށް މަޖިލީހުން ވަނީ ބުނެފައެވެ.
20 ވަނަ މަޖިލީހުގެ ރިޔާސަތު ބަލަހައްޓަވާނީ ސިޔާމްކަން މަޖިލީހުން ހާމަކޮށްފައިވާއިރު، 19 ވަނަ މަޖިލިސް ހުވާކުރުވުމުގެ ޖަލްސާގެ ރިޔާސަތުވެސް ބެލެހެއްޓެވީ ސިޔާމްކަން ފާހަގަކޮށްލެވެއެވެ.
20 ވަނަ ރައްޔިތުންގެ މަޖިލީހުގައި 93 މެންބަރުން ހިމެނިވަޑައިގަންނަވާނެއެވެ. މި މަޖިލީހުގެ ބޮޑު މެޖޯރިޓީ އެއް ހިއްސާކުރަނީ ސަރުކާރު ހިންގާ ޕީއެންސީގެ މެމްބަރުންނެވެ.
