ޗެމްޕިއަންސް ލީގު ނުލިބިއްޖެނަމަ ވާނީ ނާކާމިޔާބު ސީޒަނަކަށް: ކޭން
ކޭންގެ ކެރިއަރުގައި ތައްޓެއް އަދި ނުލިބޭ!
މެޗުގައި ހެޓްރިކް ހެދި ކޭން: ފޮޓޯ-ރޮއިޓަރސް
ޗެމްޕިއަންސް ލީގު ފުޓްބޯޅަ މުބާރާތުގެ ތަށި ނުލިބިއްޖެނަމަ މި ސީޒަން ވެގެންދާނީ ބަޔާން މިއުނިކަށް ނާކާމިޔާބު ސީޒަނަކަށް ކަމަށް ފޯވަޑް ހެރީ ކޭން ބުނެފި އެވެ.
އޭނާ މިހެން ބުނީ މި ދެ ޓީމު ބަޔާންގެ ދަނޑުގައި މިރޭ މެޗުން ކޮންމެހެން މޮޅުވާން ޖެހިފައިވާތީ އެވެ. އަދި މިއީ މި ސީޒަނުގައި ތައްޓެއް ހޯދަން ބަޔާން އަށް ފުރުސަތު އޮތް ހަމައެކަނި މުބާރާތް ވެސްމެ އެވެ. ވިދިވިދިގެން 11 އަހަރަށް ފަހު ޖަރުމަނު ލީގު ބަޔާނަސް ގެއްލިފައިވާއިރު ޖަރުމަނު ކަޕުން ވެސް ވަނީ ކަޓާފަ އެވެ.
ކެރިއަރުގައި މިހާތަނަށް ކޭން އަށް އަދި ތައްޓެއް ނުލިބެ އެވެ. އިނގިރޭސި ކެޕްޓަން ޓޮޓެންހަމުން ބަޔާނަށް ބަދަލުވީ ވެސް އެކަން ނިނުމަކަށް ގެނައުމަށެވެ. މި ސީޒަނުގައި އޭނާ 39 ގޯލު ޖެހި ނަމަވެސް ބަޔާންއަށް ވަނީ ގިނަ ގޮންޖެހުންތަކެއް ކުރިމަތިވެފަ އެވެ.
ކޭން ބުނީ ތައްޓެއް ހޯދުމަށް އޮތް ހަމައެކަނި އުއްމީދު ހާސިލްކުރުމަށް އާސެނަލް ބަލިކުރަން ނުކުންނައިރު، ޓޮޓެންހަމުގައި އާސެނަލްއާ ދެކޮޅަށް އެތައް ފަހަރަކު ކުޅުނު ކުޅުންތެރިއެއްގެ ހައިސިއްޔަތުން އޭނާ އަށް ތަފާތު އިހުސާސެއް ކުރެވޭ ކަމަށެވެ.
މި ދެ ޓީމު އާސެނަލްގެ ދަނޑުގައި ކުޅުނު މެޗު ނިމުނީ 2-2އިން އެއްވަރުވެގެންނެވެ. އެ މެޗުގައި ކޭން ގޯލް ޖެހި އެވެ. އަނެއް ގޯލު ޖެހި ސާގް ގެނެބްރީ އަށް މި މެޗުގައި އަނިޔާގެ ސަބަބުން ނުކުޅެވޭނެ އެވެ. އަދި ކިންގްސްލީ ކޯމަން ނެތުމަކީ ވެސް ބަޔާނަށް ދިމާވެފައިވާ މައްސަލައެކެވެ.
