މިއަހަރުގެ މިހާތަނަށް އެންމެ ގިނައިން އަތުލައިގަނެވިފައިވަނީ ސިންތެޓިކް ކެތިނޯނެސް - ކަސްޓަމްސް
ސިންތެޓިކް ކެތިނޯނެސްގެ 6.55 ކިލޯ ކަސްޓަމްސް އިން ވަނީ އަތުލައިގެންފައި
ވިލިމާލޭގެ ފުލެޓެއް ބަލައިފާސްކޮށް މަސްތުވާތަކެއްޗާއެކު ދެމީހަކު ހައްޔަރު ކުރި ނަމަވެސް އެކަކު ކޯޓުން ދޫކޮށްލާފައިވޭ
މިއަހަރުގެ މިހާތަނަށް އެންމެ ގިނައިން އަތުލައިގަނެވިފައިވަނީ ސިންތެޓިކް ކެތިނޯނެސް ކަމަށް މޯލްޑިވްސް ކަސްޓަމްސް ސަރވިސަސް އިން ބުނެފިއެވެ.
ކަސްޓަމްސް އިން އާންމުކޮށްފައިވާ ތަފާސް ހިސާބުތައް ދައްކާގޮތުން މި އަހަރުގެ މާޗް މަހުގެ 31 ވަނަ ދުވަހުގެ ނިޔަލަށް، ރާއްޖެއަށް އެންމެ ގިނައިން އެތެރެކޮށްފައިވަނީ ސިންތެޓިކް ކެތިނޯނެސް ކަމަށެވެ. އޭގެ 6.55 ކިލޯ ކަސްޓަމްސް އިން ވަނީ އަތުލައިގެންފައެވެ.
މީގެ އިތުރުން، 5.3 ކިލޯގެ ހެރޮއިން އާއި 1.15 ކިލޯގެ އެމްޑީއެމްއޭ އާއި 570 ގުރާމުގެ މެތަމްފެޓަމިން އަދި އެމްފެޓަމިން ޑުރަގުގެ 350 ގުރާމު ކަސްޓަމްސް އިން އަތުލައިގަނެފައިވެއެވެ.
އެގޮތުން މިފަހުން ފުލުހުންނާއި ކަސްޓަމްސް ގުޅިގެން ހިންގި އިންޓެލިޖެންސް ލެޑް ކައުންޓާ ނާކޮޓިކްސް އޮޕަރޭޝަންތަކުން ވެސް 16.69 ކިލޯގެ މަސްތުވާތަކެތި އަތުލައިގެންފައިވާ އިރު މިތަކެތީގެ އަގު 22 މިލިއަނަށް ވުރެ މައްޗަށް އަރާ ކަމަށެވެ.
ކަސްޓަމްސް އިން އަތުލައިގަނެފައިވާ މަސްތުވާތަކެތީގެ ތެރެއިން ގިނަ ބާވަތްތަކަކީ ޕޯސްޓް މެދުވެރިކޮށް ނުވަތަ ކުރިއަރ މެދުވެރިކޮށް އެތެރެކޮށްފައިވާ މަސްތުވާކަތެތީގެ ބާވަތްތަކެވެ.
