އިސްރާއީލުން ސީރިއާގައި ހުންނަ އީރާނުގެ ކޮންސިއުލޭޓަށް ދިން ހަމަލާތަކަށް ފަހު އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ)ގެ ކޮމާންޑަރ އިން ޗީފް ބަދަލު ހިފުމަށް ވައުދުވުމުން މުޅި ގައުމުގައި އަލް ޤުދުސް ދުވަސް ފާހަގަކޮށްފިއެވެ.

ސީރިއާއަށް އިސްރާއީލުން ދިން ވައިގެ ހަމަލާތަކުގައި 13 މީހުން ވަނީ މަރުވެފައެވެ. އޭގެ ތެރޭގައި އައިއާރްޖީސީގެ ހަތް މެންބަރުން ހިމެނެއެވެ. އޭގެ ތެރޭގައި ސީރިއާ އާއި ލުބުނާނުގައި ކޯޕްސްގެ ޤުދުސް ފޯސް ލީޑް ކުރައްވާ ދެ ޖެނެރަލުން ހިމެނެއެވެ.

ހުކުރު ދުވަހު އިރާނުގެ ވެރިރަށް ތެހެރާން ގައި ބޭއްވި އެއްވުމުގައި އެތައް ހާސް ބަޔަކު އެއްވެ އެމެރިކާ އާއި އިސްރާއީލަށް މަރު ފަދަ ޝުއޫރުތައް ފާޅުކޮށްފައިވެއެވެ. އިރާނުގެ ސަރުކާރުން އިންތިޒާމުކުރި އެއްވުމާއި ގުޅޭގޮތުން ވާހަކަދައްކަމުން ހުސައިން ސަލާމީ ވިދާޅުވީ ދުޝްމަނުން ދޭ ހަމަލާތަކަށް ރައްދުގައި ހަމަލާދޭނެކަމަށެވެ.

އިސްރާއީލުން ޣައްޒާގައި ކުރަމުންދާ ހަނގުރާމައިގައި ބަލިވުން ނޫން އެހެން ކަމެއް ކުރިމަތި ނުވާނެކަމަށް އޭނާ ވިދާޅުވިއެވެ.

" ޒަޔަނިސްޓުންނާއި އެމެރިކާގެ ތާއީދުކުރާ މީހުން ގަބޫލުކުރާ ގޮތުގައި މުސްލިމުން މަރާލައި އެމީހުން ވަށާލައި ގެދޮރު ދޫކޮށް ދިޔަވަރަކަށް އެމީހުންގެ ދިރިއުޅުން ރަނގަޅުވާނެ، ނަމަވެސް ހަގީގަތަކީ އޭގެ ސީދާ އިދިކޮޅެވެ." ސަލާމީ ވިދާޅުވިއެވެ.

ދައުލަތުގެ ޓީވީން ދައްކަމުންދިޔަ އެއްވުމުގައި އިރާނުގެ ސަރުކާރާއި ޝަރުއީ ދާއިރާ އަދި އިރާނުގެ ރައީސްއިބްރާހިމް ރައިސީ އާއި ޤުދުސް ފޯސްގެ ލީޑަރު އިސްމާޢީލް ޤާނީ ހިމެނޭ ގޮތަށް އަސްކަރީ އޮފިޝަލުން ތެހެރާނާއި ސިޓީތަކުގައި މުޒާހަރާގެ ބައިވެރިންގެ ތެރޭގައި ހިނގާ މަންޒަރު ފެނެއެވެ.

ފާއިތުވި ހަފްތާތަކުގައި އިރާނުން ގެއްލިގެންދިޔަ މަތީ އޮފިސަރުންގެ ހަނދާނުގައި ގިނަ އެއްވުންތަކެއް ބާއްވާފައިވެއެވެ.

މެދުތެރޭ ތެހެރާނުގައި ސީރިއާގައި މަރުވި އައިއާރުޖީސީގެ މެމްބަރުންގެ ހަށިގަނޑު އީރާނާއި ސުޕްރީމް ލީޑަރު އަޔަތުالله އަލީއަށް އަނބުރާ ގެންދިޔަތާ މާގިނައިރުތަކެއް ނުވެ ބޮޑު ޖަނާޒާއެއް ބާއްވާފައިވެއެވެ އެމީހުންގެ މައްޗަށް ޚާމަނާއީ ދުޢާ ކުރެއްވީ – 2020 ވަނަ އަހަރުގެ ޖެނުއަރީ މަހު އިރާގަށް އެމެރިކާއިން ދިން ޑްރޯން ހަމަލާއެއްގައި މަރުވި ޤުދުސް ފޯސްގެ ކޮމާންޑަރު ޤާސިމް ސުލައިމާނީއަށް ކުރި ފަދައިންނެވެ.

އަލް ޤުދުސް ދުވަހަކީ އީރާނުގެ ފުރަތަމަ އެންމެ މަތީ ލީޑަރު އާޔަތުالله ރުހުالله ޚުމޭނީ 1979 ވަނަ އަހަރު އިރާނަށް ގެނައި އިސްލާމީ އިންގިލާބަށް ފަހު ފާހަގަކުރައްވަން ފެއްޓެވި ދުވަހެކެވެ. އެއީ ފަލަސްތީނުގެ މައްސަލަ އަށް ސަމާލުކަންގެނެސް އިސްރާއީލާއި އެގައުމުގެ އެކުވެރިންނާ ދެކޮޅަށް ތެދުވުމަށެވެ.

އަލްޤުދުސް އަކީ ގުދުސްއަށް ކިޔާ އަރަބި ނަމެވެ. މިދުވަހާ ގުޅުވާ ކޮންމެ އަހަރަކު ބާއްވާ އެއްވުންތަކުގެ ބޭނުމަކީ އިސްރާއީލުން ފަލަސްތީނުގެ ބިންތައް ހިފާ ހިންގަމުންދާ ޤަތުލްއާންމުތަކާއި ދެކޮޅު ހެދުމަށް ގޮވާލާ ގޮވާލުން ވަރުގަދަ ކުރުމެވެ. ޤުދުސް ފޯސް މެދުވެރިކޮށް އީރާނުން ވަނީ އިރާގާއި ލުބުނާނާއި ޔަމަނާއި ސީރިއާގެ ސިޔާސީ އަދި ހަތިޔާރު އެޅި ޖަމާއަތްތައް ހިމެނޭ އެކްސިސް އޮފް ރެސިސްޓެންސްކޯލިޝަން ހަރުދަނާކޮށްފައެވެ.